Nayadhamma Kahao

Author(s): N V Vaidya
Publisher: N V Vaidya

Page 3

नायाधम्मकहाओ
[IX.85धरिमं च मेज्जं च पारिच्छेज्जं च जहा अरहन्नगस्स जाव लवणसमुहं बहूई जोयणसयाई ओगाढा ।
(85) तए णं तसिं माकंदियदारगाणं अणेगाई जोयणसयाई ओगाढाणं समाणाणं अणेगाई उप्पाइयसयाई पाउन्भूयाई तंजहा - अकाले गजियं जाव थणियसद्दे कालियवाए तत्थ समुट्टिएँ । तए णं सा नावा तेणं कालियवाएणं आहुणिज्जमाणी २ संचालिज्जमाणी २ संखोभिज्जमाणी २ सलिलतिक्खवेगेहिं अईवट्टिज्जमाणी २ कोट्टिमंसि करतलाहए विव तिंदूसए तत्थेव २ ओवयमाणी य उप्पयमाणी य उप्पयमाणी विव धरणीयलाओ सिद्धविज्जा विज्जाहरकन्नगा ओवयमाणी विव गगणतलाओ भहविज्जा विज्जाहरकन्नगा विपलायमाणी विव महागरुलवेगवित्तासिया भुयगवरकन्नगा धावमाणी विव महाजणरसियसहवित्तत्था ठाणभट्ठा आसकिसोरी निगुंजमाणी विव गुरुजणदिहावराहा सुजणकुलकन्नगा घुम्ममाणी विव वीचिपहारसयतालिया गलियलंबणा विव गगणतलाओ रोयमाणी विव सलिलभिन्नगंठिविप्पइरमाणथोरंसुवाएहिं नववहू उवरयभत्तुया विलवमाणी विव परचक्करायाभिरोहिया परममहब्भयाभिद्द्या महापुरवरी झायमाणी विव कवडच्छोमणपओगजुत्ता जोगपरिवाइया नीससमाणी विव महाकंतारविणिग्गयपरिस्संता परिणयवया अम्मया सोयमाणी विव तवचरणखीणपरिभोगा चवणकाले देववरवहू संचुण्णियकहकूवरा भग्गमेढिमोडियसहस्समाला सूलाइयवंकपरिमासा फलहंतरवडतडेंतफुटुंतसंधिवियलंतलोहखीलिया सव्वंगवियंभिया परिसडियरज्जुविसरंतसव्वगत्ता आमगमल्लगभूया अकयपुण्णजणमणोरहो विव चिंतिन्जमाणगुरुई हाहाकयकण्णधारनीवियवाणियगजणकम्मकरविलविया नाणाविहरयणपणियसंपुण्णा बहूहिं पुरिससएहिं रोयमाणेहिं कंदमाणेहिं सोयमाणेहिं तिप्पमाणेहिं विलवमाणेहिं एगं महं अंतोजलगयं गिरिसिहरमासाइत्ता संभग्गकूवतोरणा मोडियज्झयदंडा वलयसयखंडिया कडकडेस्स तत्थेव विहवं उवगया । तए णं वीए नावाए भिज्जमाणीए ते बहवे मुरिसा विपुलपणियभंडमायाए अंतोजलंमि निमज्जावि यावि होत्था ।