Laghu Kshetra Samas Prakaranam

Author(s): Ratnashekharsuri
Publisher: Jain Dharm Prasarak Sabha

Page 182

(५) पुवावरमेरुमुहं, दुसु दारतिगं पि सदिसि दहमाणा। असिईभागपमाणं, सतोरणं णिग्गयणईअं ॥४६॥ जामुत्तरदारदुर्ग, सेसेसु दहेसु ताण मेरुमुहा । सदिसि दहासिअभागा, तयद्धमाणा य बाहिरिया ॥४७॥ गंगा सिंधू रत्ता, रत्तवई बाहिरं णइचउकं । बहिदहपुव्वावरदा-रवित्थरं वहइ गिरिसिहरे ॥४८॥ पंच सय गंतु णिअगा-वत्तणकूडाउ बहिमुहं वलइ । पणसयतेवीसेहिं, साहिअतिकलाहिं सिहराओ ॥ ४९ ॥ णिवडइ मगरमुहोवम-वयरामयजिभिआइवयरतले। णिअगे णिवायकुंडे, मुत्तावलिसमप्पवाहेण ॥५०॥ दहदारवित्थराओ, वित्थरपण्णासभागजड्डाओ। जडुत्ताओ चउगुण-दीहाओ सव्वजिब्भीओ ॥५१॥ कुंडतो अडजोअण-पिहुलो जलउवरि कोसद्गमुच्चो। वेइजुओ णइदेवी-दीवो दहदेविसमभवणो ॥५२॥ जोअणसटिपिहुत्ता, सवायछप्पिहुलवेइतिदुवारा । एए दसुंड कुंडा, एवं अण्णे वि णवरं ते ॥५३॥ एसिं वित्थारतिगं, पडुच्च समदुगुणचउगुणद्वगुणा । चउसट्ठिसोलचउदो, कुंडा सव्वेवि इह णवई ॥५४॥ एअं च णइचउक्कं, कुंडाओ बहिदुवारपरिवूढं । सगसहसणइसमेअं, वेअडगिरि पि भिंदेह ॥ ५५ ॥ तत्तो बाहिरखित्त-द्धमज्झओ वलइ पुब्वअवरमुहं । णइसत्तसहससहिअं, जगइतलेणं उदहिमेइ ॥५६॥ धुरि कुंडदुवारसमा, पजंते दसगुणा य पिहुलत्ते । सव्वत्थ महणईओ, वित्थरपण्णासभागुंडा ॥५७॥