Laghu Kshetra Samas Prakaranam

Author(s): Ratnashekharsuri
Publisher: Jain Dharm Prasarak Sabha

Page 189

(१२) ताणंतो देवुत्तर-कुराउ चंदद्धसंठियाउ दुवे । दससहसविसुद्धमहा-विदेहदलमाणपिहुलाओ ॥ १३० ॥ थइपुव्वावरकूले, कणगमया बलसमा गिरी दो दो । उत्तरकुराइ जमगा, विचित्तचित्ता य ईअरीए ॥१३१ ॥ णइवहदीहा पण पण, हरया दुदुदारया इमे कमसो। णिसहो तह देवकुरू, सूरो सुलसो य विज्जुपभो ॥ १३२ ॥ तह णीलवंत उत्तर-कुरु चंदेरवय मालवंतु त्ति । पउमदहसमा णवरं, एएसु सुरा दहसणामा ॥ १३३ ॥ अड सय चउतीस जोअ-णाई तह सेगसत्तभागाओ। इकारस य कलाओ, गिरिजमलदहाणमंतरयं ॥ १३४ ॥ दहपुव्वावरदसजो-यणेहि दस दस विअडकूडाणं । सोलसगुणप्पमाणा, कंचणगिरिणो सय सव्वे ॥ १३५ ॥ उत्तरकुरुपुव्वद्धे, जंबूणय जंबुपीढमतेसु । कोसदुगुच्चं कमि व-ड्रमाणु चउवीसगुणं मज्झे ॥ १३६ ॥ पणसयवदृपिहुत्तं, परिखित्तं तं च पउमवेईए। गाउदुगध्धुच्चपिहु-त्तचारुचउदारकलिआए ॥१३७ ॥ तं मज्झे अडवित्थर-चउच्चमणिपीढिआइ जंबुतरू । मूले कंदे खंधे, वरवयरारिहवेरुलिए ॥१३८ ॥ तस्स य साहपसाहा, दला य बिंटा य पल्लवा कमसो। सोवण्णजायरूवा, वेरुलितवणिज्जजंबुणया ॥१३९ ॥ सो रययमयपवालो, राययविडिमो य रयणपुप्फफलो। कोसदुगं उव्वेहे, थुडसाहाविडिमविक्खंभो ॥ १४० ॥ थुडसाहविडिमदीह-त्ति गाउए अट्ठपणरचउवीसं । साहा सिरिसमभवणा, तम्माणसचेइ विडिमं ॥१४१॥