________________
કલ્પસૂત્ર
குழுழுழுகு
விழுழுழுழுழுழுழுழுழுழு
Jain Education International
ચોમાસુ રહેલ સાધુઓને તેવા પ્રકારનાં અનિંદનીય ઘરો કે જે ઘરોને તેમણે અથવા બીજા સાધુઓએ શ્રાવક બનાવેલાં હોય, પ્રીતિ કરનારા હોય, દાન આપનારાં હોય, સ્થિરતાવાળા હોય, વળી સાધુઓને માટે નિશ્ચય મને અહીં વસ્તુઓ મળશે એવા વિશ્વાસપાત્ર હોય, જ્યાં જવામાં કોઇ અટકાયત ન હોય, ઘણાં સાધુઓને માન્ય કરનારા હોય, સર્વ નાના મોટા સાધુઓને સમાન દ્રષ્ટિએ માન આપનારા હોય એવા ઘરોને વિષે વસ્તુને દીઠા વિના આવી રીતે કહેવું કલ્પે નહીં કે હે આયુષ્માન્ ! આ વસ્તુ તમારી પાસે છે ? શિષ્ય ગુરુને કહે છે કે શા માટે એમ કહેવું કલ્પે નહીં, ગુરુ કહે શ્રદ્ધાવાન એ ગૃહસ્થ એ ચીજ ઘરમાં ન હોય તો વેચાતી પણ લાવે અથવા ચોરી કરીને પણ લાવે, કૃપણને ઘરે માંગવામાં દોષ નથી.
ચાતુર્માસ રહેલા અને નિત્ય એકાશન કરનારા સાધુને ગૌચ૨ીના અવસરે એક વાર ગૃહસ્થોનાં ઘરે ભાતપાણી માટે જવું આવવું કહ્યું, પરંતુ આચાર્યની વૈયાવચ્ચ કરનારા, ઉપાધ્યાયની વૈયાવચ્ચ કરનારા, તપસ્વીની વૈયાવચ્ચ કરનારા અને ગ્લાનની વૈયાવચ્ચ કરનારા જો એકવાર ભોજન કરે તો વૈયાવચ્ચ થઇ શકે નહીં. તેથી તેઓને બે વાર આહાર કરવો કલ્પે, કારણ કે તપ કરતાં પણ વૈયાવચ્ચ ઉત્તમ છે. વળી જ્યાં સુધી દાઢી, મૂછ અને બગલના વાળ ઉગ્યા ન હોય, ત્યાં સુધીના નાની વયના સાધુઓએ અને સાધ્વીઓએ બે વાર ભોજન કરવામાં દોષ નથી. તેમજ આચાર્ય, ઉપાધ્યાય, તપસ્વીઓને પણ બે વાર ભોજન કરવામાં દોષ નથી. પરંતુ આરોગ્યવાન યુવાન સાંધુ સાધ્વીઓને બે વાર ભોજન કરવું કલ્પે નહીં.
ચાતુર્માસ રહેલા એકાંતર ઉપવાસ કરનારા સાધુને એટલું વિશેષ છે કે તેમણે સવારની ગૌચરીએ જઇ પ્રથમ દોષરહિત શુદ્ધ સાધુને કલ્પે એવા આહારને વાપરીને તથા છાસ વગેરેને પીને પાતરાં નિર્લેપ કરી ધોઇ પ્રમર્જીને જો તેટલા જ આહારથી તે દિવસે નભી જાય તો તેટલાથી નભાવવું. પરંતુ જો તેટલા આહારથી ચલાવી ન શકાય તો બીજીવાર પણ ગૃહસ્થના ધરે ભાતપાણી માટે જવું આવવું કલ્પે.
For Personal & Private Use Only
குழுழுழுழு
F
વ્યાખ્યાન ૧૦
૩૦૯
www.jainslitary.c17
