Chitkar

Author(s): Hemchandrasuri Acharya
Publisher: Sanghavi Ambalal Ratanchand Jain Dharmik Trust

Page 3

જુઓ તમારા જેવી કોઈક ત્રિશલા જેવી સ્ત્રીએ જન્મ આપી પોતાના પુત્રને જગતમાં મહાવીર બનાવ્યો. તમારા જેવી જ કોઈ જીજાબાઈએ જન્મ આપી પોતાના પુત્રને હિંદુ સંસ્કૃતિનો રક્ષણહાર શિવાજી બનાવ્યો. તમારા જેવી જ કોઈ પાહિણીએ પોતાના પાંચ વર્ષના બાળને ગુરુચરણમાં સોંપીને કલિકાલ સર્વજ્ઞ હેમચંદ્રાચાર્ય બનાવ્યા છે જેના પ્રભાવે લગભગ સમસ્ત ભારતમાં અહિંસાનો ઝંડો લહેરાયો. આ દેશના ઉચ્ચ ચારિત્ર ઘડતરમાં તમારો હિસ્સો જ મોટો છે. તમારા માથે જ મોટી જવાબદારી છે. તમે જ જો મયદાને વટાવશો, બાળ હત્યાના કરનાર બનશો તો આ પૃથ્વીને કોણ જીવાડશે ? તમારા આત્માની ખાતર, તમારા કુટુંબની ખાતર, તમે જે સમાજમાં વસો છો તે સમાજની ખાતર, દેશ અને દુનિયાની ખાતર પણ તમે સ્વસ્થ બનો. પાશ્ચાત્ય સંસ્કૃતિના ઊંધા રવાડેથી પાછા ફ્રો. બ્રહ્મચર્ય અને સદાચારની મર્યાદાના
- ૧૦ «
ચુસ્ત પાલક બનો. અહિંસાનો નાદ તમારા જીવનમાં ગાજતો કરી જગતમાં પસરાવો.
પ્રાન્ત માનવતાને કલંકરૂપ આ પાપ વિશ્વમાં ઘણું વિસ્તર્યું અને વિસ્તરતા વિસ્તરતા એ પાપ છેક જૈન સંઘ સુધી પણ આવ્યું છે. તેથી અત્યંત વ્યથિત થઈને નરકગતિના કારણભૂત આ પાપથી અનેક પાપભીરુ યોગ્ય આત્માઓ બચી જાય, તે દ્વારા અનેક બાળકો પણ પારાવાર યાતનાપૂર્વકના દેહાંતના દુઃખમાંથી છુટકારો મેળવે, તે માટે નાનોશો પ્રયત્ન આ પુસ્તિકા દ્વારા કર્યો છે. આ નાનોશો પ્રયત્ન બીજરૂપ બની તેમાંથી મહાન પુરુષાર્થનો વડલો ઊભો થાય અને માનવતાનું આ કલંક ભૂંસાઈ જાય એવા મનોરથોને સેવતા આ ઉપોદ્દાત પૂર્ણ કરું છું.
- આ. હેમચંદ્રસૂરી
ત્રિશલાદેવીનો ગર્ભસ્થ પુત્ર વર્ધમાન (મહાવીર) પરનો પ્રેમ
ભગવાન મહાવીર પરમાત્માના જીવનનો એક પ્રસંગ છે. ભગવાન મહાવીર માતાના ગર્ભમાં હતા.
ત્યારે ભગવાન માતાને દુઃખ ન થાય, કંઈ પણ તકલીફ ન પડે એ માટે માતાની ભક્તિ માટે ગર્ભાવસ્થામાં નિશ્ચલ બની ગયા. જરા પણ સ્પંદન ન થાય તેવી રીતે રહ્યા. “અન્ય જીવોએ પણ માતાની ભક્તિ કરવી જોઈએ', એ બતાવવા જાણે ભગવાન અત્યંત ગુપ્ત નિશ્ચલ બની ગયા.
પરંતુ પરિણામ જુદુ આવ્યું. ગર્ભના હલન ચલન બંધ થવાથી ત્રિશલાદેવી ચિંતામાં પડ્યા, તેમ શંકાશીલ બન્યા. તેમને એમ થયું કે શું મારો ગર્ભ કોઈ દેવાદિએ હરણ કરી લીધો, અથવા ગર્ભ ત્રુત થઈ ગયો (નાશ પામ્યો), ગળી ગયો કે જેથી પૂર્વે મારો ગર્ભ કંપમાન હતો તે
હાલમાં કંપતો નથી. આથી ત્રિશલાદેવીનું ચિત્ત સંકલિષ્ટ થયું અને ચિંતાથી ઉત્પન્ન થયેલા શોકના સાગરમાં દેવી ડૂબી ગયા. બે હાથમાં મોટુ રાખી. ભૂમિ ઉપર દૃષ્ટિ રાખેલા દેવી વિચારે છે. જો ખરેખર મારા ગર્ભને કંઈ પણ અનિષ્ટ થયું હશે તો પુર્યા વિનાના જીવોમાં હું અગ્રેસર થઈશ અથવા ભાગ્યહીનના ઘરમાં ચિંતામણીરત્ન રહેતું નથી. દરિદ્રના વશમાં રત્નનિધાનની સંગતિ થતી નથી. ભૂમિના જ ભાગ્યના અભાવે મરભૂમિમાં કલ્પવૃક્ષ થતું નથી.
ત્રિશલા વિલાપ હા..હા.. ધિક્કાર થાવ, ધિક્કાર થાવ દૈવને, વક્ર એવા તેણે આ શું કર્યું ? મારા મનોરથ તરુને એણે મૂળથી જ ઉખેડી નાંખ્યો, મને નિર્મળ ચક્ષયુગલ આપીને લઈ લીધું, રત્નનિધિ આપીને મારી પાસેથી અધમ એવા દેવે ઝૂંટવી લીધો, મેરુના શિખર પર ચઢાવી આ પાપી દૈવે મને નીચે