Chitkar

Author(s): Hemchandrasuri Acharya
Publisher: Sanghavi Ambalal Ratanchand Jain Dharmik Trust

Page 9

ગર્ભહત્યા અંગે બાદશાહ
અકબરનો પશ્ચાત્તાપ.
ચિત્તોડગઢમાં હજારો લોકોની હત્યા કરાવનાર જુલમી એવા એકબર બાદશાહ પણ ગર્ભવતી સ્ત્રી અને ગર્ભસ્થ બાળકની હત્યા જોઈ દ્રવી ઉઠ્યો.
वीरैस्तत्र वृतोऽप्यकब्बरनृपोऽध्यारुढ उच्चैरिव । व्योम्न्यर्कः प्रबलप्रतापकलितः कोपोद्धरस्तन्नृषु । आदेश: स वधस्य मुद्गलततेः शीघ्रं ददौ यन्नरः। कौपात किं न करोति वक्ति च हृदन्धीकारकत्वस्पृशः ? भूपाकब्बरवाक्यमाप्य सुभटा दुष्टास्तथा चक्रिरे तत्राऽभूभुवि शोणितोदकनदीपूरं यथा सर्वतः। तत्र स्थातुमशक्त एष नृपतिर्नीचैस्ततोऽप्युत्तरन् । मार्गस्थां च विदारितोदरतलां निष्फातिताऽङ्गोद्भवाम् ।। दृष्ट्वा सुन्दरसुन्दरी नरपतिः कारुण्यपूर्णस्तदा हा हा किं मयकाऽत्र कारितमिदं चण्डालकर्माधिकम् ।
पश्चानुशयं शिरः करयुगेणास्फालयन्नित्यवक। यः पापं किल चित्रकूटरचनं गृह्णाति तस्याप्यहम् ।। एनं देशपुरान्वितं गिरिवरं स्वर्णादिकं चार्पयामि ।।
- નાકાવ્યમ્ જેમ પ્રબળ પ્રતાપથી યુક્ત સૂર્ય આકાશમાં ઉંચે આરુઢ થાય, તેમ પ્રબળ પ્રતાપથી યુક્ત અને વીરોથી પરિવરાયેલા અકબર રાજા, તે ચિત્રકૂટ પર્વત પર આરુઢ થયા. ગુસ્સે થયેલા અકબર રાજાએ, મોગલસેનાને ચિત્રકૂટના લોકોના વધ માટેનો તરત આદેશ આપ્યો. કેમકે ક્રોધથી માણસ શું નથી કરતો ? અને હૃદયમાં જેને અજ્ઞાન રૂપ અંધકારનો સ્પર્શ થયો છે, એવો માણસ ગુસ્સાથી શું નથી કરતો ? અને શું નથી બોલતો ?
અકબર રાજાના વાક્યને સાંભળીને દુષ્ટ સુભટોએ તેવુ કર્યું, કે જેથી પૃથ્વી પર બધી બાજુ લોહીની નદીનું પુર ફ્લાઈ ગયું. અકબર
રાજા ત્યાં ઉભો ન રહી શક્યો એટલે નીચે ઉતરવા લાગ્યો. નીચે ઉતરતા તેણે માર્ગમાં રહેલી, જેનું પેટ ફાટી ગયું છે તેવી, જેનો ગર્ભ કપાઈ ગયો છે એવી, એક સુંદર સ્ત્રીને જોઈ. તેણીને જોઈને કરુણાથી ભરાયેલા અકબર રાજાએ ચિંતવ્યું. “અરે મેં અહીં આ શું ચંડાળ કરતા પણ અધિક કાર્ય કરાવ્યું.’ એમ પશ્ચાત્તાપ કરતા, હાથથી માથુ કુટતા આ પ્રમાણે બોલ્યા, ‘ચિત્રકૂટને જીતવાનું પાપ જે કોઈ લઈ લેશે તેને હું દેશ અને નગરથી યુક્ત એવો આ પર્વત અને સોનું વગેરે આપીશ.'
ચિત્તોડની હજારો અને લાખો લોકોની હુકમ કરીને કતલ કરાવનાર જુલમી, ઘાતકી એવો અકબર બાદશાહ પણ ગર્ભ હત્યા જોતા દ્રવી ઉઠ્યો. પોતાના પાપનો ઘોર પશ્ચાત્તાપ કરવા માથું કુટું, ભયંકર વિલાપ કર્યો. અને પોતાના આ પાપથી છુટવા સમસ્ત ચિત્તોડગઢ આપી દેવા તૈયાર થયો. જી
ઓ ભારતીય નારીઓ ! હજારોની હત્યા કરાવનાર મોગલ બાદશાહના જુલમીપણા કરતા તમારે જુલમીપણાનું વધુ ઉંચુ શિખર સર કરવું છે ? જેથી તમે તમારા જ ગર્ભસ્થ બાળકને ખતમ કરવા તૈયાર થયા છો. યાદ રાખજો, હજારો લાખો વાર એક જ ભવમાં જીવતા કપાવા ને બળી જવા વગેરેની ઘોર પીડાઓ નરકમાં ભોગવવા છતાં તમારો છુટકારો નહીં થાય. તમે તમારી જ અનેક હત્યાઓ નિર્મીત કરી રહ્યા છો.
અને એક ગર્ભહત્યા કરાવનાર જો નરકમાં જાય તો અનેક ગર્ભ હત્યા કરનાર ડોકટરની તો શું દશા થશે એ કલ્પી પણ ન શકાય તેમ છે.