Chitkar

Author(s): Hemchandrasuri Acharya
Publisher: Sanghavi Ambalal Ratanchand Jain Dharmik Trust

Page 2

માનવરાક્ષસોનું બિરુદ પણ ઓછું પડે તેમ છે. આ કાયદો અને આ પાપવૃતિ જ્યાં સુધી હસ્તીમાં છે ત્યાં સુધી ભારતને મહાવીર, રામ, કૃષ્ણ, બુદ્ધ વગેરેની ગૌરવગાથા ગાવાનો તથા તેના વંશજ તરીકે પોતાને ઓળખાવવાને અધિકાર શી રીતે હોઈ શકે ?
ભારતીય સંસ્કૃતિના ભવ્ય ભૂતકાળની ગૌરવગાથા કયા મુખે ભારતીયો ગાઈ શકતા હશે એ સમજાતું નથી.
વર્ષો પૂર્વે વિશ્વયુદ્ધ પ્રસંગે ભારતની આઝાદી માટે બ્રિટીશ રાજ્ય સામે બળવો ખેલનારા આઝાદ હિંદ ફોજના ત્રણ મોટા અફ્સરો કેપ્ટન શાહનવાઝ, કેપ્ટન ધિલોન, કેપ્ટન સહગલ પર વિજયી થયા. પછી બ્રિટીશ સરકારે કામ ચલાવ્યું ત્યારે તેની વકીલાત કરવા ભુલાભાઈ દેસાઈ તૈયાર થઈ ગયા. ઈંદિરાના હત્યારા સતવંતસિંગને પણ બચાવવા વકીલ મળ્યા. પણ અફ્સોસ આ નિર્દોષ ભુલકાઓની
રક્ષા માટે આ આર્યભૂમિમાં એક પણ વકીલ છેલ્લા વર્ષોથી કોઈ ઊભો થતો નથી. બાળહત્યાની કરૂણ દાસ્તાન કોઈના હૃદયને પીગળાવી શકતી નથી. કોઈને પણ કરોડોની સંખ્યામાં કપાતા બાળકોના ચિત્કાર સંભળાતા નથી. શું ભારત બિનધાર્મિક રાજ્ય થઈ ગયું છે ? ભારતમાં કયા ધર્મનું અસ્તિત્વ છે ? હિંદુ ધર્મનું, તો શું હિંદુધર્મ આ બાળ હત્યામાં સંમતિ આપે છે? ઈસ્લામ ધર્મએ આ ક્રૂર હત્યાને આવકારી છે ? ખ્રિસ્તી ધર્મે આ કાર્યને અતિપાપ તરીકે નથી ગયું ? જૈન ધર્મે આના ફળ તરીકે નરકગતિ નથી વર્ણવી ? ભારતના બધા જ ધર્મોએ આ કૃત્યને જો મહાપાપ તરીકે જાહેર કર્યું હોય, છતાં પણ જો આ મહાપાપને સરકારી કાયદાથી કાયદેસરપણું મળતું હોય અને સ્વાસ્થય ડોક્ટરો-નસ આ ભયંકર પાપ પૈસાના લોભે વિશાળ પાયા પર કરી રહ્યા હોય, છતાં ભારતીય પ્રજામાંથી કોઈના પેટનુંય પાણી હાલ્યું ન હોય, ત્યારે એ જ સમજવું રહ્યું
કે ભારતમાં કોઈ જ ધર્મનું હાલ અસ્તિત્વ નથી.
અને બહેનો અને માતાઓને તો શું જણાવવું, એ માટે કલમ પણ ઉપડતી નથી. હે માતાઓ અને બહેનો! તમે આજે ભુલા પડ્યા છો, તમે તમારી જાતને ભુલી ગયા છો, તમે કોના સંતાના છો એની તમને ખબર નથી. તમે કઈ માતૃભૂમિમાં જન્મ લીધો છે એની પણ જાણે તમને ખબર નથી માટે જ તમે ઘણાં ઘણાં ઊંધા રસ્તે ચઢી ગયા છો. તમે પાશ્ચાત્ય સંસ્કૃતિના પ્રવાહમાં સરકી. પડ્યા છો. તમે એ સતી સીતાના વારસદાર છો કે જે સતી સીતાએ રાવણ શરીરને સ્પર્શ કરે એ પહેલા જ પ્રાણની આહુતિ આપી દેવાનો નિર્ણય કર્યો હતો. તમે એ સુરસુંદરીના દેશમાં, સમાજમાં કે સંઘમાં જન્મ્યા છો કે જેણે પોતાના શીલની રક્ષા ખાતર પ્રાણની આહૂતિ આપવાની તૈયારી કરી દીધી હતી. તમે એ રતિસુંદરીના દેશમાં જન્મ્યા છો કે જેણે પોતાની આંખના રૂપમાં મોહાંધ
બનેલ પરરાજાને પ્રતિબોધ કરી માર્ગે લાવવા અને પોતાના શીલની રક્ષા કરવા લોખંડના સળીયાથી આંખ કાઢીને હાથમાં આપી દીધી હતી. તમે એ દેશમાં જન્મ્યા છો જ્યાં પોતાના શીલની રક્ષા કરવા માટે, અલાઉદ્દીન ખીલજીની મલિન ભાવનાને વશ ન થવા માટે મેવાડની પદ્મિની વગેરે પંદર હજાર રજપુતાણીઓએ અગ્નિકુંડમાં ઝંપલાવી, જીવન કરતા શીલનું વધુ મૂલ્યાંકન કર્યું હતું.
ઈતિહાસની કેટલી બલિદાનની કથનીઓ તમારે સાંભળવી છે? તમે પાછા મૂળ માર્ગમાં આવી જાવ. જીવનમાં પતિવ્રતા અને અહિંસાવ્રતને અસ્થિમજ્જા કરી સારી માતાઓ બની, આ ભૂમિને પરાક્રમી, સત્વશીલ પ્રજાની ભેટ આપો, તમે જ ખોટા રસ્તે હશો તો આ દેશને સારી સત્વશીલ પ્રજા ક્યાંથી મળશે ? અને એ નહિ મળે તો આ દેશનો ખાતમો બોલતા કોણ અટકાવી શકશે?