Book Title: Balmanorama
Author(s):
Publisher:
View full book text
________________ Shri Mahavir Jain Aradhana Kendra www.kobatirth.org Acharya Shri Kailassagarsuri Gyanmandir लिङ्गानुशासनप्रकरणम् / 116. 'नपुंसकम्' / अधिकारोऽयम् // 117. 'भावे ल्युडन्तः' / हसनम् / 'भाव' किम् / पचनोऽग्निः / इध्मव्रश्चनः कुठारः // 118. 'निष्ठा च' / भावे या निष्ठा तदन्तं क्लीबं स्यात् / हसितम् / गीतम् // 119. 'त्वष्यौ तद्धितौ' / शुक्लत्वम्-शौक्ल्यम्। ध्यञः पित्त्वसामर्थ्यात्पक्षे स्त्रीत्वम् / चातुर्यम्-चातुरी / सामग्र्यम्-सामग्री / औचित्यम् - औचिती // 120. 'कर्मणि च ब्राह्मणादिगुणवचनेभ्यः' / ब्राह्मणस्य कर्म ब्राह्मण्यम् // 121. ‘यद्यढग्यगअण्वुञ्छाश्च भावकर्मणि' / एतदन्तानि क्लीबानि / 'स्तेनाद्यन्नलोपश्च' (सू 1790) स्तेयम् / 'सख्युर्यः' (सू 1791) / सख्यम् / ‘कपिज्ञात्योर्डक्' (सू 1792) / कापेयम् / 'पत्यन्तपुरोहितादिभ्यो यक्' (सू 1793) / आधिपत्यम् / 'प्राणभृजातिवयोवचनोद्गात्रादिभ्योऽञ्' (सू 1794) / औष्ट्रम् / 'हायनान्तयुवादिभ्योऽण् ' (सू 1795) / द्वैहायनम् / द्वन्द्वमनोज्ञादिभ्यो वुञ् / पितापुत्रकम् / ‘होत्राभ्यश्छः' (सू 1800) / अच्छावाकीयम् / 'अव्ययीभावः-' (सू 659) / अधिस्त्रि // 122. 'द्वन्द्वैकत्वम्' / पाणिपादम् // 123. 'अभाषायां हेमन्तशिशिरावहोरात्रे च' / स्पष्टम् // 124. 'अनकर्मधारयस्तत्पुरुषः' / अधिकारोऽयम् // 125. 'अनल्पे छाया' / शरच्छायम् // 126. 'राजामनुष्यपूर्वा सभा'। इनसभमित्यादि // 127. 'सुरासेनाच्छायाशालानिशा स्त्रियां च // 128. 'परवत्' / अन्यस्तत्पुरुषः परवल्लिङ्गः स्यात् / 'रात्राहाहाः पुंसि' (सू 814) // 129. 'अपथपुण्याहे नपुंसके'॥ 130. 'सङ्खयापूर्वा रात्रिः' / त्रिरात्रम् / 'सङ्ख्यापूर्वा' इति किम् / सर्वरात्रः / 131. 'द्विगु: त्रियां च' / व्यवस्थया / पञ्च फली / त्रिभुवनम् // 132. 'इसुसन्तः' / हविः। धनुः // 133. 'अर्चिः स्त्रियां च' / इसन्तत्वेऽप्यर्चिः स्त्रियां नपुंसके च स्यात् / इयमिदं वार्चिः // 134. 'छदिः स्त्रियामेव' / इयं छदिः / छाद्यतेऽनेनेति छदेश्चुरादिण्यन्तात् 'अर्चिशुचि-' इत्यादिना इस् / ‘इस्मन्' इत्यादिना ह्रस्वः / 'पटलं छदिः' इत्यमरः / तत्र पटलसाहचर्याच्छदिषः क्लीबतां वदन्तोऽमरव्याख्यातार उपेक्ष्याः // 135. 'मुखनयनलोहबनमांसरुधिरकार्मुकविवरजलहलधनान्नाभिधानानि' / एतेषामभिधायकानि क्लीबे स्युः। मुखमाननम्। नयनं लोचनम् / लोहं कालम् / वनं गहनम् / मांसमामिषम् / रुधिरं रक्तम् / कार्मुकं शरासनम् / विवरं बिलम् / जलं वारि / हलं लाङ्गलम् / धनं द्रविणम् / अन्नमशनम् / अस्यापवादानाह त्रिसूत्र्या // 136. 'सीरार्थोदनाः पुंसि' // 137. वक्रनेत्रारण्यगाण्डीवानि पुंसि च' / वक्रो वक्रम् / नेत्रो नेत्रम् / अरण्योऽरण्यम् / गाण्डीवो गाण्डीवम् // 138. 'अटवी स्त्रियाम् // 139. 'लोपधः' / कुलम्-कूलम् / स्थलम् // 140. 'तूलोपलतालकुसूलतरलकम्बलदेवलवृषलाः पुंसि' / अयं तूलः // 141. 'शीलमूलमङ्गलसालकमलतलमुसलकुण्डलपललमृणालवालबालनिगलपलालविडालखिलशूलाः पुंसि च' / चाक्लीबे / इदं शीलमित्यादि / 142. 'शतादिः सङ्खया' / शतम् / सहस्रम् / 'शतादिः' इति किम् / एको द्वौ बहवः / 'सङ्खया' इति किम् / शतशृङ्गो नाम पर्वतः // 143. 'शतायुतप्रयुताः पुंसि च' / अयं शतः / इदं शतमित्यादि // 144. 'लक्षा कोटिः स्त्रियाम्' / इयं लक्षा। इयं कोटिः / 'वा लक्षा नियुतं च तत्' इत्यमराक्लीबेऽपि लक्षम् / 145. 'शङ्कुः पुंसि' / सहस्रः क्वचित् / अयं सहस्रः / इदं सहस्रम् // 146. 'मन्यच्कोऽकर्तरि' / मन्प्रत्ययान्तो द्यच्कः क्लीबः स्यान तु For Private And Personal Use Only
Page Navigation
1 ... 771 772 773 774 775 776 777 778 779 780 781 782 783 784 785 786 787 788 789 790 791 792 793 794 795 796 797 798 799 800 801 802 803