Atmanand Prakash Pustak 098 Ank 11 12

Author(s): Pramodkant K Shah
Publisher: Jain Atmanand Sabha Bhavnagar

Page 7

શ્રી આત્માનંદ પ્રકાશ વર્ષ : ૧ અંક ૧૧-૧૨, ૧૬ સપ્ટેમ્બર-ઓકટોબર ૨૦૦૧ ]
ધન્ય અમાવાસ્યા! ધન્ય દિવાળી!
---મુનિરાજશ્રી ધર્મગુપ્તવિજયજી મ.સા
દિવાળી! તારૂં સોભાગી આગમન કેવું કે| તારા માત્ર આગમનના મીઠા સ્મરણે પણ આબાલગોપાલ હર્ષિત બને છે. હૈયામાં ગીલગીલીયાં થાય છે. ત્યાગી, ભોગી બંને આનંદમાં આવી જાય છે. તો તારૂં સાક્ષાત્ આગમન તો શું| શું હૈયામાં ઉલ્કાપાત નહીં મચાવે?
ભોગીને હું ભોગનું દાન કરે છે, બાળકને તું મીઠાઇ અને ફટાકડા અર્પે છે. અને વૃદ્ધને તું ઝીણી તીખી સેવો આપી આનંદિત કરે છે.
ત્યાગીને અને ભગવાન મહાવીર દેવના સાચા ભક્તને તું ચરમ ઉપકારી પ્યારા મહાવીરદેવના ભવ્ય જીવનની યાદ આપે છે. ભગવાનની ભવ્ય કઠોર ઉગ્ર સાધના અને તેઓના અમાપ વિશ્વોપકાર પર દૃષ્ટિપાત કરાવે છે. અને તેમાંથી ત્યાગની, તપની, સમતા અને સાધનાની ભવ્ય પ્રેરણા આપી જાય છે.
ભગવાનનો સાચો ભક્ત ભગવાનને દિવાળીના દિવસે જુદી રીતે યાજ કરે છે.
ભગવાન મહાવીરદેવે આજથી લગભગ ૨૬૦૦
વર્ષો પૂર્વની આસો વદ અમાસની ચરમ ધન્ય
રાત્રિએ અનાદિ ચારગતિમય સંસારના સમસ્ત ખાતાં ચૂકતે કરી અનંતગુણોની કમાણીનું નિતરતું સરવૈયું તારવ્યું. કર્મનાં અનંતા દેવાં આજની રાત્રિએ ચૂકતે કર્યાં. સમસ્ત દોષોની નુકશાની ભરપાઈ કરી અનંતી આત્મસમૃદ્ધિ હસ્તગત કરી. આપણે પણ અનંત આત્મસમૃદ્ધિ હસ્તગત કરવા પુરુષાર્થી ક્યારે બનશું?
અનાદિકાળથી. સંસારમાં પાથરેલી શેતરંજ
[પ
ઉપર જે અનાદિકાળથી અઢાર પાપ સ્થાનકના સોદા થતા હતા, જેના ઉપર આશ્રવની મેલી રમતો રમાતી હતી તે શેતરંજને પ્યારા વીરે સમેટી લીધી. સાધવાનું બધું સાધી લીધું, કરવાનું બધું કરી લીધું. મેળવવાનું મેળવી લીધું, ઇચ્છવાનું ઇચ્છી લીધું જેથી ભગવાન કૃતકૃત્ય બની ગયા. જન્મ જરા મરણના જાલીમ બંધનોમાંથી સદાને માટે મુક્ત બની સદાસ્થિર, સદાશિવ, સદા આનંદ અને જ્ઞાનના ધામભૂત સિદ્ધાલયમાં અનંતકાળ માટે બેસી ગયા.
જ્યારે આપણે આ દિવસે આપણા જીવનનું સરવૈયું કાઢીયે તો શું તારવણી નીકળે? લૌકિક ધનમાલના નફાતોટાનું તો સરવૈયું મૂર્ખ જેવા વેપા૨ીઓ પણ કાઢે છે. પણ શ્રાવક વ્યાપારી, જૈન વ્યાપારી તેવા દુન્વયી લાભના માત્ર સરવૈયા કાઢી ખુશી ન થાય પણ આત્માની સારી-નરસી કરણીનું કરવૈયું કાઢે, ગુણદોષોનું સરવૈયું કાઢે, પાપ પુણ્યનું સરવૈયું કાઢે, ગઇ દિવાળી કરતા કેટલા દોષોનું નુકશાન ભરપાઇ કર્યું અને કેટલા ગુણોનો નફો તારવ્યો, કેટલી પરપુદ્ગલની ગુલામીમાંથી મુક્ત બન્યો, દેવ ગુરુ ધર્મ કેટલો હૈયે સ્પર્શો તેનું સરવૈયુ કાઢે, અને તેમાં એકલું નુકશાન જ દેખાય તો ભારે હૈયે કલ્પાંત હોય. બીજે વર્ષે નુકશાનને ભરપાઇ કરવા માટે આજના નૂતન પ્રભાતે સચોટ નિર્ધાર સાથે પુરુષાર્થ આદરી દે.
અમાવાસ્યાની રાત્રિએ સર્વશ્રેષ્ઠ ભાવદીપકનો વિરહ પડ્યો. તે શ્રેષ્ઠ ભાવદીપકનો વિરહ સ્મૃતિપથમાં રહે તે માટે તેલના અને ઘીના