Atmanand Prakash Pustak 098 Ank 11 12

Author(s): Pramodkant K Shah
Publisher: Jain Atmanand Sabha Bhavnagar

Page 6

કરિયાવરમાં બહેને માંગ્યું મંદિર!
પિતા દેવલોક થયા હોવાથી નાની બહેન ઉજમના લગ્ન કાર્યના અવસરે થતી વિધિની જવાબદારી મોટાભાઈ ઉપર આવી હતી. બહેનને પિતાની ગેરહાજરી જરાક પણ ન સાલે તે માટે તેનું લગ્ન કાર્ય ભાઈએ ભારે ઠાઠથી કર્યું.
બેનની વિદાયવેળાએ કરિયાવરમાં ભાઈએ બહેનને નવ ગાડાં ભરીને વિવિધ સોનું, ચાંદી, ઝવેરાત વગેરે વસ્તુઓ આપી.
ભાઈએ તે નવ ગાડા બહેનને બતાવ્યા. બહેનને પૂછ્યું કે, “આથી તને ખૂબ સંતોષ છે ને? તને પિતાજીની ગેરહાજરી ન સાલે તે માટે મેં વધુમાં વધુ કરિયાવર તને આપ્યો છે.'
પણ બહેન તો મૂંગી રહી. તેના મોં ઉપર ઉદાસી હતી. ભાઈએ કહ્યું, “જો હજી વધુ ઉમેરો કરાવવાની જરૂર હોય તો તે તૈયાર છે.
આ સાંભળીને બહેનને લાગ્યું કે ભાઈની ગેરસમજ થઈ રહી છે તે દૂર કરવી જોઈએ. એટલે બહેને કહ્યું, “ભાઈ! આ નવ ગાડામાં તો તે એવી સામગ્રી ભરી છે જેનો ભોગ કરવાથી સંસાર વધે. આપણે તો વીતરાગ એવા પરમપિતાના અનુયાયી. ભોગસામગ્રીના તોલથી શું આપણા સુખદુઃખનું નિર્વાણ થાય? મને તો આમાંનું કશું જ જોઈતું નથી.
‘ભાઈ! તું જો મારા મનની પ્રસન્નતાને જ ઇચ્છતો હોય તો એક જ કામ કર. તીર્થાધિરાજ શ્રી શત્રુંજય ઉપર વિશાળ જગા પ્રાપ્ત કરીને ત્યાં વિરાટ જિનાલયનું નિર્માણ કર. આ જ મારું કરિયાવર! આમાં જ મારી પ્રસન્નતા!'
આ સાંભળીને ભાઈએ દસમું બળદગાડું મંગાવ્યું. તે ખાલી હતું. તેમાં એક ચિઠ્ઠી મૂકી : ‘ઉજમબહેનનું દેરાસર.”
સાચે જ તેણે તેનો બોલ પાળ્યો. આજે ‘ઉજમફઈની ટૂંક' તરીકે તે સ્થળ સુપ્રસિદ્ધ બન્યું છે. કેવી બહેન! કેવો ભાઈ!
SHASHI INDUSTRIES SELARSHA ROAD, BHAVNAGAR-364001
PHONE : (O) 428254-430539
Rajaji Nagar, BALGALORE-560010