Atmanand Prakash Pustak 016 Ank 02

Author(s): Jain Atmanand Sabha Bhavnagar
Publisher: Jain Atmanand Sabha Bhavnagar

Page 7

૩૭
જેવું વાવો તેવું લણો-જેવું કરશે તેવુંજ પામશે. જેવું વાવશે તેવું લણશે–જેવું કરશે તેવુંજ પામશે.
દરેક જીવ સુખ-જીવિત ચાહે છે. કેઈ દુઃખ-મરણને ચાહતા નથી, તેમ છતાં કર્મના અચળ કાયદા મુજબ તો જે જેવું આચરણ (સારું કે માઠું) કરે છે તે તેવું જ ફળ પામે છે, આજેજ કરેલી કરણીનું આજેજ પૂર્ણ ફળ મળી જતું નથી, પરંતુ તે કાળપરિપાકે મળી શકે છે. ઉગ્ર પુન્ય-પાપનું જે તાત્કાલિક ફળ દેખાય છે તે તો તેને નમૂનારૂપ અપાંશ માત્ર સમજવું. તેનું સંપૂર્ણ ફળ દવાને સમય તો હજી હવેજ આવવાનો છે. એક માણસે બહુ અનીતિ આદરી વિશ્વાસભંગ કરી, ઠગવિદ્યા કરી કંઈક દ્રવ્ય પ્રાપ્ત કર્યું પણ તે પ્રગટ થતાં તેને બહુ સમ્ર શિક્ષા થાય છે, ત્યારે લોકો પણ તેનો તિરસ્કાર કરવા પૂર્વક બેલે છે, કે તેને તેનાં ઉગ્ર પાપનું પ્રત્યક્ષ ફળ મળ્યું. જો કે આ વાત ખરી છે તો પણ આ શિક્ષા ઉપસન્ત હજી તેને ભવિષ્યમાં (ભવાન્તરમાં) તેનાં બહ માઠાં ફળ ભેગવવાનાં બાકી રહેલાં છે. એજ રીતે અતિ ઉદારતાથી નિઃસ્વાર્થપણે જે સુકૃત્ય કરે છે, તેને તાત્કાલિક લોકસત્કારાદિ ફળ મળે છે. પરંતુ તેની કરણીનું મુખ્ય-પારમાર્થિક ફળ તો ભવિષ્યમાં બીજું ઘણું ઉમદા પ્રકારનું મળી શકે એમ છે. આ વાતની ખાત્રી કરવા અનેક પૂરાવા મળી શકે છે. એક જ બાપના અથવા એકજ સાથે એકજ ગામમાં કે એકજ કુળમાં ઉત્પન્ન થયેલા છે અથવા વધારે જીવો એક સરખા અંગઉપાંગને પામ્યા છતાં સુખસમૃદ્ધિમાં એકબીજા કરતાં ઓછા અધિક પ્રમાણમાં પ્રગટ દેખાય છે. એક જન્મથી જ દુ:ખી–રેગી, બીજે સર્વાગ સુખી-
નિગી, એક જ્ઞાની બીજો અજ્ઞાની, એક રાજા-અધિકારી ત્યારે બીજે રંક-નોકર વિગેરે પ્રગટ વિષમતા દેખાય છે. તે સઘળું પૂર્વકૃત શુભાશુભ કરણનું જ ફળ છે, એટલું જ નહિ પણ એથી પુનર્ભવની પણ સિદ્ધિ થઈ શકે છે. એક તરતનું જન્મેલું બાળક જન્મતાંજ સ્તન્યપાન કરવા અહીં કોઈએ શિખવા વગરજ મંડે છે. તે શું તેના પૂર્વભવના સંસ્કાર વગરજ બને છે શું? જીવ જેવી જેવી કરણ જેવી જેવી ભાવનાથી કરે છે તેને તેનું શુભાશુભ ફળ તરત નહિ તે કાળપરિપાકે મળેજ છે. પ્રથમ પડેલા શુભાશુભ સંસ્કારે નિમિત્ત પામીને ઉદ્દબુદ્ધ થઈ જીવને સુખદુઃખરૂપે પરિણમે છે, તેથી શાણુ ભાઈબહેનોએ શુભ અભ્યાસ કરવા સદાય લક્ષ આપવા ચૂકવું નહિ.
ઈતિશમ. (લે. મુનિરાજ શ્રી કપૂરવિજયજી મહારાજ.)