Arddha Kathanak

Author(s): Banarasidas
Publisher: Akhil Bharatiya Jain Yuva Federation

Page 160

३७
चौपई इहि बिधि उदै भयौ जब पाप । हलहलाइकै आई ताप ॥ तब बनारसी जहमति परे । लंघन दस निकोररे करे ॥ ३२५ फिर पथ लीनौं नीके भए । मास एक बाजार न गए। खरगसेनकी चीठी धनी । आवहिं पै न देइ आपनी ॥३२६
दोहरा
उत्तमचंद जबाहरी, दुलहको लघु पूत । सो बनारसीका बड़ा, बहनेऊ अरिभूत ॥ ३२७ तिनि अपने घरकौं दिए, समाचार लिखि लेख । पूंजी खोइ बनारसी, भए भिखारी भेख ॥ ३२८ उहां जौनपुरमैं सुनी, खरगसेन यह बात ॥ हाइ हाइ करि आइ घर, कियौ बहुत उतपात ।। ३२९ कलह करी निज नारिसौं, कही बात दुख रोइ ॥ हम तौ प्रथम कही हुती, सुत आवै घर खोइ ॥ ३३० ॥ कहा हमारा सब थया, भया भिखारी पूत । पूंजी खोई बेहया, गया बनजका मृत ॥ ३३१ ॥ भए निरास उसास भरि, करि घरमैं बकबाद । सुत बनारसीकी ब्रह, पटई खैरावाद ॥ ३३२ ॥ ऐसी बीती जौनपुर, इहां आगरेमांहि । घरकी बस्तु बनारसी, बेंचि बेंचि सब खांहिं ।। ३३३ ॥