Agam Suttani Satikam Part 23 Dashashrutskandh Aadi 3agams

Author(s): Dipratnasagar, Deepratnasagar
Publisher: Agam Shrut Prakashan

Page 9

६
दशाश्रुतस्कन्ध-छेदसूत्रम् - १/
भन्नत्ति, एत्थ सुत्तं खंधो य विभासितव्वो जहा आवस्सए एसो दसाणतोहो पिडत्थो वन्नितो समासेण । एत्तो एक्केकंपुन अज्झयणं कित्तइस्सामि ।
नि. [७]
एसि दसहं अज्झयणाण इमे अत्यहिगारा भवंति । तं जहाअसमाहि य सबलत्तं अनसादनगणिगुणा मनसमाही । सावगभिक्खूपडिमा कप्पो मोहो नियाणं च ॥ दसाणं पिंडत्थो एसो मे वन्निओ समासेणं । एतो एक्केक्कंपि य अज्झयणं कित्तइस्सामि ।।
नि. [८]
धू असमाहि य सबलत्तं अनसादगणणिगुणा मनसमाही । सावगभिक्खुपडिमा कप्पो मोहो निदानं च ।। तत्थ पढमं अज्झयनं असमाहिट्ठाणंति तस्स चत्तारि अनुओगद्दारा भवंति । तं जहाउवक्कमो निक्खेवो अनुगमो नओ । तत्थोवक्कमो नामादि छव्विहो । तं परूवेतुं पुव्वानुपुव्वीए पढमं, पश्चानुपुव्वीए दसमं, अनानुपुव्वीए एताए चेव एगादियाए एगुत्तरियाए दसगच्छगताए सेढीए अन्नमन्नमभासो दुरुवुणो अत्याहिगारो, से समाहीए तस्सेव रक्खणट्ठा असमाहिट्ठाणा परिहरिज्ज गतो उवक्कमो । निक्खेवो तिविहो- ओहनिप्फन्नो नामनिप्फन्नो सुत्तालावगनिप्फन्नो । ओहनिष्पन्नो अज्झयणं अज्झीणं अउज्झवणा सव्वं परूवेऊणं नामनिष्फन्ने निक्खेवे असमाधिट्ठाणा दुपदं नाम असमाधी ट्ठाणं च । अमानोनाः प्रतिषेधे णं समाही असमाही, असमाधीए द्वाणं, असमाधि ट्ठाणं, जेनाऽऽ सेवितेन आतपरोभयस्स वा इह परत्र उभयत्र वा असमाधी होति तं असमाधिट्ठाणं असमाधिपदमित्यर्थः । तथा समाधी दुविहा1
नि. [९]
दव्वं जेन व दव्वेण समाही आहियं च जं दव्वं । भावो सुसमाहितया जीवस्स पसत्थजोगेहिं ॥
चू. दव्वे भावे य, दव्वसमाध-दव्वं जेनेव दव्वेण समाही आहियं जं दव्वं । भावो सुसमाहितया जीवस्स पसत्यजोगेहि ॥ दव्वसमाधी समाधिमत्तादि, अहवा यस्य ययोर्येषां वा द्रव्याणां समाही अविरोध इत्यर्थः । जेनेव दव्वेण भुत्तेण समाही भवति । आहितं च जं दव्वं आधितमारोवितं जेन दव्वेण तुलारोवितेण न कतो वि नमति समतुलं भवति सा दव्वसमाही । भावसाधी गाथा पच्छद्वेण एत्थ भन्नइ - भावो सुसमाहिता पच्छद्धं भाव-समाधी नाणदंसणचरित्ताणं परोप्परतो समाही अविरोध इत्यार्थः । तेहि वा उप्पन्नेहि तेसु वा अप्पाहितो जधा सुटु आधितो सुसमाहितो तानि वा नाणादीनि अत्तणि गाहिताणि । भावसमाही- भावो जीवस्स जा सुसमाहितता नाणादिसु ३ | केसु ? सु समाहितता जीवस्य उच्यते पसत्थजोएसु । के पसत्थजोगा ? नाणादीसंगहिया मनोजोगादी ३ अथवा अक्रोधता ४ गया समाधी । इदानिं ठाणं तत्थगाथा
नि. [१०]
नामं ठवणा दविए खेत्तद्धा उड्ड ओवरई वसही ।
संजमपग्गहजोहे अचलगणणसंधणा भावे ॥
चू. नामठवणाओ गताओ दव्वट्ठाणं जाणगरीरभवियसरीरवतिरित्तं सचित्तादि ३ । सचित्तं - दुपदादि दुपदट्ठाणं दिने दिने जत्थ मनूसो उवविसति तत्थ ट्ठाणं जायति, चउप्पदट्ठाणंपि एमेव । अपदट्ठाणं गुरुय फलं जत्थ निक्खिव्वति तत्थ ठाणं जायति । अचित्तं जत्थ फलगमिस्सय जंतादीनि निक्खिव्वंति तत्थ ट्ठाणं जायति, मिस्सट्ठाणं- समाभरित्ताणं घडगस्स वा जलभरियस्स । खेत्तट्ठाणं