Agam Suttani Satikam Part 23 Dashashrutskandh Aadi 3agams

Author(s): Dipratnasagar, Deepratnasagar
Publisher: Agam Shrut Prakashan

Page 7

दशाश्रुतस्कन्ध-छेदसूत्रम् - १/
णानुओगेन अधिकारो । सो अ इमेहि अनुओगद्दारेहि अनुगंतव्वो । तं जहा-निक्खेवेगट्ठ निरुत्तविधिः पवत्ती अ केन वा कस्स । तद्दारभेदलक्खणतदरिहपरिसा य सुत्तत्थे ।
इत्थं जंकेन वा कस्सति एएणं पसंगेण कप्पे जहोववन्नियगुणेण आयरिएण सव्वस्स सुतनाणस्स अनुओगो भाणियव्वो । इमं पुन च्छेयसुत्तपमुहभूतंति विसेसेणं दसाणं ततो इमे पट्ठवणं पडुच तासि पत्थुतो । जति दसाणं अनुओगो, दसाओ णं किं ?
नि. [२]
आउ विवागज्झयणाणि भावओ दव्वओ उ वत्यदसा । दस आओ विवागदसा वाससयाओ दसहच्छेत्ता ॥
चू. अंगं अंगाई सुतक्खंधो सुतक्खंधा अज्झयणं अज्झयणा उद्देसो, उद्देसा । दसाओ नोअंगं नोअंगाई, सुतक्खंधो नो सुतक्खंधा, नो अज्झयणं अज्झयणा, नो उद्देसा, तम्हा दसा निक्खिविस्सामि, अज्झयणाणिं (सुयं) निक्खिविस्सामि, खंधं निक्खिविस्सामि, अज्झयणाणि निक्खिविस्सामि । तत्थ पढमं दारं दसाए पुन एक्कादिसंकलनाए निष्पन्नंति तम्हा एक्कस्स निक्खेवो कायव्वो ततो दसन्नं । एगस्स दारगाथा नामं ठवण दविए मातुगपदसंगहेक्कए चेव । पज्जयभावे य तहा सत्ते ते एक्कगा होंति ।
नामठवणातो जधा आवस्सए। एव्वेक्कगं जधा एक्कं दव्वं सचित्तं अचित्तं मीसगं वा, सचित्तं जहा -एक्को मानुसो, अचित्तं जहा कारिसावणो, मीसो पुरिसो वत्थामभरणविभूसितो मातुपदेक्कगंउप्पन्नेति वा धुवेति वा विगतेति वा, एते दिट्ठिवाए मातुगा पदा, अहवा इमे माउगा पदाअआएवमादि। संगहेक्कगं जधा दव्वं पदत्यमुद्दिस्स एक्को सालिकणो साली भन्नति, जातिपदत्थमुद्दिस्स बहवो सालयो साली भन्नति, जधा निष्फन्नो साली, नय एगम्मि कणे निप्फणे निप्फन्नं भवति, तं संगहेक्कगं दुविहं, आदिट्ठमनादिट्टं च । आदि नाम विसेसितं । अनादिट्ठ जहा साली आदिट्ठो कलमो । पजविक्कगंपि दुविधं आदिट्ठ अनाइटुं च । पजातो गुणादी परिणती । तत्थ अनादिट्टं गुणोत्ति आदिट्ठ वन्नादि । भावेक्कगंपि आदिट्ठमनाइटुं च । अनाइट्टं भावो, आइटुं ओदयितो उवसमितो खइओ खओवसमितो परिणामतो । उदईयभावेक्कगं दुविधं आइट्ठमनाइटुं च । अनाइट्ठ उदइओ भावो आइटुं पसत्थो अपसत्यो य । पसत्थो तित्थगरनामोदयाइ । अप्पसत्यो कोहोदया । उवसमियस्स खइयस्स व अनादिट्ठादिट्ठमेदो सामन्नस्स विसेसस्स य अभावे णं संभवति, केति खतोवसमियंपि एवं चैव इच्छंति तं न भवति, जेन सम्मद्दिट्ठीणं मिच्छादिट्ठीणं खओवसमओ लद्धीओ बहु-विधाउ संभवंति तम्हा दुविहत्तणं चेव । पारिणामियभावेक्कगं सामणविसेसभावेन तहेव जं आइट्टं तं साइयपरिणामियं अनादियपरिणामियं च । तत्थ सादिअपारिणामियं एक्कगं कसायपरिणओ जीवो किसाओ । अनाइयपारिणामिय एक्कगं जीवो जीवभावपरिणओ सदा एवमादी । इह कयरेण एक्कगेण अधिकारो ? उच्यते-भिन्नरूवा एक्कगा दससद्देण संगहिया भवंति, तेन संगहेक्कगेण अधिकारी, अहवा सुतनाणं खओवसमिए भावे चिट्ठतित्ति भावेक्कएण अधिकारो उभयमविरुद्धं भावो, एवं विसेसिज्जति दुगादिपरूवणावसरे दस परूविअंति। एवं सेसं परूविअं भवति तम्हा दसगणिक्खेवो । सो चउव्विहो - नामदसाइं नामट्ठवणाओ तहेव गाथा पच्छद्धेण, दव्वदसा जानगसरीरभविअसरीखतिरित्ता वत्थस्स दसाओ, पढमं बंधानुलोभेणं भाव-दसाओ भणियाओ । जओ आउविवागज्झयणा गाथा । भावदसा दुविहा- आगमतो नोआगमतो य ।
૪