Agam 28 Prakirnaka 05 Tandul Vaicharik Sutra Shwetambar

Author(s): Purnachandrasagar
Publisher: Jainanand Pustakalay

Page 20

www.kobetirth.org
Acharya Shri Kailassa garsuri Gyanmandir
|रयमुणालियाधवलदंतसेढी अखंडदंता अफुडिय० अविरल० सुनिद्ध० सुजाय० एगदंतसेढीविवअणेगदंता हुयवहानिदंतधोयतत्ततव-|| णिज्जरत्ततलतालुजीहा सारसनवणियमहरगंभीर कुंचनिग्धोसदुद्हिसरा गरूलायउज्जुतुंगनासा अवदारिअपुंडरीयवय॥ कोकासियधवलपुंडरीयपत्तलच्छ। आनामिअचावरूइलकिण्हचिहरराइसुसंठियसंगयआययसुजायभुम्या अल्लीणपमाणजुत्तसवणा सुसवणा पीणमंसलकवोलदेसभागा अइरूग्गयसमग्गसुनिद्धचंदद्धसंठिअनिडाला उडुवइपडिपुन्नसोमवयणा छत्तागारुत्तमंगदेसा घणनिचियसुबद्धलक्खणुनयकूडागारनिरूवमपिडियग्गसिरा हुयवहनिदंतधोयतत्ततवनिणजकेसंतकेसभूमी सामलीबोंडघणनिचिअच्छोडिअमिउविसयसुहमलक्खणपसत्थसुगंधिसुंदरभुयमोयगभिंगनीलकजलपहट्ठभमरगणनिद्धनिरंबनिचियकुंचिअपयाहिणावत्तमुद्धसिरया लक्खणवंजणगुणोववेया माणुम्माणपमाणपडिपुन्नसुजायसव्वंगसुंदरंगा ससिसोमागारा कंता पियदंसणा सब्भावसिंगारचारूरूवा पासाईया दरिसणिज्जा अभिरूवा पडिरुवा, ते णं मणुया ओहस्सरा मेह० हंस० कोंच० नंदि० नंदिघोसा सीहस्सरा सीहघोसा मंजुसरा मंजुघोसा सुस्सरा सूसरघोसा अणुलोमवाउवेगा कंकरगहणी कवायपरिणामा सउणीपोसपिटुंतरोरूपरिणया पउमुष्पलसुगंधिसरिसनीसासा सुरभिवयणा छवी निरायंका उत्तमपसत्थाइसेसनिरुवमतणू जल्लमलकलंकसेयरयदोसवज्जियसरीरा निरुवलेवा छायाउनोवियंगमंगा वरिसहनारायसंघयणा समचरंससंठाणसंठिया छधणुसहस्साई उटुंउच्चतेणं पं०, ते णं मणुया दो छप्पन्नापिढडगसया पं० समणाउसो!, ते णं मणुया पगइभद्दया पगइविणीया पगइउवसंता पगइप्यणुकोहमाणमायालोमा ॥ श्री नन्दुलवैचारिक सूत्र
| पू. सागरजी म. संशोधित