Agam 05 Ang 05 Bhagvati Vyakhya Prajnapti Sutra Bhagvai Terapanth

Author(s): Tulsi Acharya, Nathmalmuni
Publisher: Jain Vishva Bharati

Page 1108

परिसेसो सव्वाए भगवईए अट्ठतीसं सतं सयाणं ( १३८), उद्देसगाणं एगूणविसतिसताणो
पंचविसइअहियाणी (१९२५) ! संगहणी-गाहा
चुलसीइ सयसहस्सा, पदाण पवरवरनाणदंसीहि । भावाभावमणंता, पण्णत्ता एत्थमंगम्मि ॥१॥ तवनियमविणयवेलो, जयति सदा नाणविमलविपुलजलो।
हेतुसतविपुलवेगो, संघसमुद्दो गुणविसालो ॥ २ ॥ पोत्थयलेहगकया नमोक्कारा
णमो गोयमाईणं गणहराणं, णमो भगवईए विवाहपण्णत्तीए, णमो दुवालसंगस्स गणिपिड़गस्स ।।
कुम्मसुसंठियचलणा, अमलियकोरेटबॅटसंकासा ।
सुयदेवया भगवई, मम मतितिमिरं पणासेउ ।।१।। उद्देस-विधि
पण्णत्तीए प्राइमाणं अटुण्हं सयाणं दो दो उद्देसगा उद्दिसिज्जंति, नवरं च उत्थे सए पढमदिवसे अट्ठ, बितियदिवसे दो उद्देसगा उद्दिसिज्जति । नवमाअो सताओ पारद्धं जावइयं-जावइयं ठवेति तावतियं-तावतियं उद्दिसिज्जति, उक्कोसेणं सतं पि एगदिवसेणं, मज्झिमेणं दोहिं दिवसेहि सतं, जहण्णेणं तिहिं दिवसेहि सतं । एवं जाव वीसतिमं सतं, नवरं-गोसालो एगदिवसेणं उद्दिसिज्जति, जदि ठियो एगेण चेव आयंबिलेणं अणुण्णवति। अहण्णं ठितो आयंबिलेणं छटेणं अणुण्णवति । एक्कवीस-बावीस-तेवीसतिमाई सताई एक्केक्कदिवसेणं उद्दिसिज्जति। चउवीसतिमं सतं दोहिं दिवसेहिं छ-छ उद्देसगा। पंचवीसतिमं दोहिं दिवसेहिं छ-छ उद्देसगा! बंधिसयाइं अट्ठसयाई एगेणं दिवसेणं, सेढिसयाई बारस एगेणं, एगिदियमहाजुम्मसयाई बारस एगेणं, एवं बेदियाणं बारस, तेंदियाणं बारस, चरिदियाणं बारस एगेण, असण्णि
१. तियं एगदिवसेणं (ख, स)।
२. अणुणच्चति (ता, स); अणुणज्जति (अ, ब)