Agam 01 Ang 01 Acharanga Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 42

*****
(१) आयारो बी. सु. १ अ. पिडेसणा उद्देसक १०,११ [२६]
7
। ४०४. से भिक्खू वा २ जाव समाणे सिया णं परो बहुअट्ठिएण मंसेण उवणिमंतेज्जा आउसंतो समणा ! अभिकंखसि बहुअट्ठियं मंसं पडिगाहेत्तए ? एतप्पगारं णिग्घोसं सोच्चा णिसम्म से पुव्वामेव आलोएज्जा आउसो ति वा भइणी ति वा णो खलु मे कप्पति बहुअट्ठियं मंसं पडिगाहेत्तए । अभिकखसि मे दाउं, जावतितं तावतितं पोग्गलं दलयाहि, मा अट्टियाई । से सेवं वदंतस्स परो अभिहट्टु अंतो पडिग्गहगंसि बहुअट्ठियं मंसं परियाभाएत्ता णिहट्टु ढलएज्जा । तहप्पगारं पडिग्गहगं परहत्थंसि वा परपायंसि वा अफासुयं अणेसणिज्जं लाभे संते जाव णो पडिगाहेज्जा से य आहच्च पडिगाहिते सिया, तं णो हि त्ति वएज्जा, णो धि त्ति वएज्जा, गो अह ति वज्जा से तमादाय एगंतमवक्कमेज्जा, २त्ता अहे आरामंसि वा अहे उवस्सयंसि वा अप्पंडे जाव संताणए मंसगं मच्छगं भोच्चा अट्टियाई कंटए गहाय से त्तमायाए एगंतमवक्कमेजा, २ त्ता अहे झामथंडिल्लंसि वा जाव पमज्जिय पमज्जिय परिट्ठवेज्जा, ४०५. से भिक्खू वा २ जाव समाणे सिया से परो अभिहट्टु अंतो पडिग्गहए बिलं वा लोणं उब्भियं वा लोणं परियाभाएत्ता णीहट्टु दलएज्जा । तहप्पगारं पडिग्गहगं परहत्थंसि वा परपायंसि वा अफासुयं असणिज्जं जाव पडिगाहेज्जा | से य आहच्च पडिग्गाहिते सिया, तं च णातिदूरगते जाणेज्ना, से त्तमायाए तत्थ गच्छेज्जा, २ त्ता पुव्वामेव आलोएज्जा आउसो ति वा भइणी ति वा इमं किं ते जाणता दिण्णं उदाहु अजाणता ? से य भणेज्जा णो खलु मे जाणता दिण्णं, अजाणता; कामं खलु आउसो ! इदाणिं णिसिरामि, तं भुजहव णं परियाभाएह व णं । तं परेहिं समणुण्णायं समणुसट्टं ततो संजतामेव भुंजेज्ज वा पिएज्ज वा । जं च णो संचाएति भोत्तए वा पायए वा, साहम्मिया तत्थ वसंति संभोइया समणुण्णा अपरिहारिया अदूरगया तेसिं अणुप्पदातव्वं सिया । णो जत्थ साहम्मिया सिया जहेव बहुपरियावण्णे कीरति तहेव कायव्वं सिया । ४०६. एतं खलु तस्स भिक्खुस्स वा भिक्खुणी वा सामग्गियं । ★★★ ॥ पिण्डैषणाध्ययनस्य दशमोद्देशकः समाप्तः ॥ ★★★ इक्कारसमोउद्देसओ ४०७. भिक्खाजा णामेगे एवमाहंसु समाणे वा वसमाणे वा गामाणुगामं वा दूइज्जमाणे मणुण्णं भोयणजातं लभित्ता-से य भिक्खू गिलाइ, से हंदह णं तस्साहरह, से य भिक्खू णो भुंजेज्जा तुमं चेवणं भुंज्जासि । से 'गतितो भोक्खामि' त्ति कट्टु पलिउंचिय २ आलोएज्जा, तंजहा इमे पिंडे, इमे लोए, इमे तित्तए, इमे कडुयए, इमे कसाए, इमे अंबिले, इमे महुरे, णो खलु एतो किंचि गिलाणस्स सदति त्ति । माइठ्ठाणं संफासे । णो एवं करेज्जा । तहाठितं आलोएज्जा जहाठितं गिलाणस्स सदति त्ति, तं जहा तित्तयं तित्तए ति वा, कडुयं २, कसायं २, अंबिलं २, महुरं २ । ४०८. भिक्खागा णामेगे एवमाहंसु समाणे वा वसमाणे वा गामाणुगामं दूइज्जमाणे वा मणुण्णं भोयणजातं लभित्ता- से -य भिक्खू गिलाइ, से हंदह णं तस्साहरह, से य भिक्खू णो भुंजेज्जा आहरेज्जासि णं णो खलु मे अंतराए आहरिस्सामि । ४०९. इच्चेयाइं आयतणाई उवातिकम्म अह भिक्खू जाणेज्जा सत्त पिंडेसणाओ सत्त पाणेसणाओ । १ तत्थ खलु इमा पढमा पिंडेसणा- असंसट्टे हत्थे असंसट्टे मत्ते । तहप्पगारेण असंसट्टेण हत्थेण वा मत्तएण वा असणं वा ४ सयं वा णं जाएजा परो वा से देज्जा, फासूयं पडिगाहेज्जा । पढमा पिंडेसणा । २ अहावरा दोच्चा पिंडेसणा-संसट्टे हत्थे संसट्टे मत्ते, तहेव दोच्चा पिंडेसणा । ३ अहावरा तच्चा पिंडेसणा इह खलु पाईणं वा ४ संतेगतिया सड्ढा भवति गाहावती वा जाव कम्मकरी वा । तेसिं च णं अण्णतरेसु विरूवरूवेसु भायणजातेसु उवणिक्खित्तपुव्वे सिया, तंजहा थालंसि वा पिढरगंसि वा सरगंसि वा परगंसि वा वरगंसि वा । अह पुणेवं जाणेज्जा असंसट्टे हत्थे संसट्टे मत्ते, संसट्टे वा हत्थे असंसट्टे मत्ते । से य पडिग्गहधारी सिया पाणिपडिग्गहए वा, से पुव्वामेव आलोएज्जा आउसो ति वा भगिणी ति वा एतेण तुमं असंसट्टेण हत्थेण संसट्टेण मत्तेण संसद्वेण वा हत्थेण असंसद्वेण मत्तेण अस्सिं पडिग्गहगंसि वा पाणिसि वा णिहट्टु ओवित्तु दलयाहि । तहप्पगारं भोयणजातं सयं वा णं जाएज्जा परो वा से देज्जा, फासूयं एसणिज्जं जाव लाभे संते पडिगाहेज्जा । तच्चा पिंडेसणा । ४ अहावरा चउत्था पिंडेसणा-से भिक्खू वा २ से ज्जं पुण जाणेज्जा पिहूयं वा जाव चाउलपलंबं वा, अस्सिं खलु पडिग्गाहियंसि अप्पे पच्छाकम्मे अप्पे पज्जवजाते । तहप्पगारं पिहुयं वा जाव चाउलपलंबं वा सयं वा णं जाएज्जा जाव पडिगाहेज्जा । चउत्था पिंडेसणा । ५ अहावरा पंचमा पिंडेसणा-से भिक्खू वा २ जाव समाणे उवहितमेव भोयणजातं जाणेज्जा, तंजहा- सरावंसि वा डिडिमंसि वा कोसगंसि वा | अह पुणेवं जाणेज्जा - बहुपरियावण्णे पाणीसु दगलेवे । तहप्पगारं असणं वा ४ सयं वा णं जाएज्जा जाव पडिगाहेज्जा । पंचमा पिंडेसणा । ६ अहावरा छट्ठा
श्री आगमगुणमंजूषा २६
666666666