Agam 01 Ang 01 Acharanga Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 58

(१) आयारो बी. सु. ७ अ. ओग्गहपडिमा उद्देसक १-२ [ ४२ ]
फ्र
साहम्मिए अण्णसंभोइए समणुण्णे उवणिमंतेज्जा, णो चेव णं परपडियाए ओगिण्हिय २ उवणिमंतेज्जा । ६११. से आगंतारेसु वा जाव से किं पुण तत्थोग्गंहसि एवोग्गहियंसि ? जे तत्थ गाहावतीण वा गाहावतिपुत्ताण वा सूई वा पिप्पलए वा कण्णसोहणए वा णहच्छेदणए वा तं अप्पणो एगस्स अट्ठाए पडिहारियं जाइत्ता णो अणमण्णस्स देज्न वा अणुपदेज्ज वा, सयं करणिज्जं ति कट्टु से तमादाए तत्थ गच्छेज्ना, २ त्ता पुव्वामेव उत्ताणए हत्थे कट्टु भूमीए वा ठवेत्त इमं खलु इमं खलु ति आलोएज्जा, णो चेवणं सयं पाणिणा परपाणिसि पच्चप्पिणेज्जा । ६१२. से भिक्खू वा २ से ज्जं पुण उग्गहं जाणेज्जा अणंतरहिताएं पुढवीए ससणिद्धाए पुढवीए जाव संताणए, तहप्पागारं उग्गहं णो ओगिण्हेज्न वा २ । ६१३. से भिक्खू वा २ से ज्जं पुण उग्गहं जाणेज्जा थूणंसि वा ४ जाव तहप्पगारे अंतलिक्खजाते दुब्बद्धे जाव णो उग्गहं ओगिण्हेज्न वा २ । ६१४. से भिक्खू वा २ से ज्जं पुण उग्गहं जाणेज्जा कुलियंसि वा ४ जाव नो उग्गहं ओगिण्हेज्ज वा २ । ६१५. से भिक्खू वा २ से ज्जं पुण उग्गहं जाणेज्जा खंधंसि वा ६, अण्णतरे वा तहप्पगारे जाव णो उग्गहं ओगिण्हेज्ज वा २ । ६१६. से भिक्खू वा २ से ज्जं पुण उग्गहं जाणेज्जा सागारियं सागणियं सउदयं सइत्थिं सखुड्डुं सपसुभत्तपाणं णो पण्णस्स णिक्खम-पवेस जाव धम्माणुओगचिंताए, सेवं णच्चा तहप्पगारे उवस्सए सागारिए जाव सखुड्डपसुभत्तपाणे नो उग्गहं ओगिण्हेज्न वा २ । ६१७. से भिक्खू वा २ से ज्जं पुण उग्गहं जाणेज्जा गाहावतिकुलस्स मज्झंमज्झेणं गंतुं पंथे (वत्थए) पडिबद्धं वा, णो पण्णस्स जाव, से एवं णच्चा तहप्पगारे उवस्सए णो उग्गहं ओगिण्हेज्ज वा २ । ६१८. से भिक्खू वा २ से ज्जं पुण उग्गहं जाणेज्जा इह खलु गाहावती वा जाव कम्मकरीओ वा अन्नमन्नं अक्कोसंति वा तहेव तेल्लादि सिणाणादि सीओदगवियडादि णिगिणा ठिता जहा सेज्जाए आलावगा, णवरं उग्गहवत्तव्वता । ६१९. से भिक्खू वा २ से ज्जं पुण उग्गहं जाणेज्जा आइण्णं सलेक्खं णो पण्णस्स णिक्खम-पवेसाउ(ए) जाव चिंताए, तहप्पगारे उवस्सए णो उग्गहं ओगिण्हेज्ज वा २ । ६२०. एयं खलु तस्स भिक्खुस्स वा भिक्खुणीए वा सामग्गियं जं सव्वद्वेहिं समिते सहिते सदा जएज्जासि त्ति बेमि । ॥ उग्गहपडिमा पढमो उद्देसओ समत्तो ॥ ★★★ बीओ उद्देसओ ६२१. से आगंतारेसु वा ४ अणुवीई उग्गहं जाएज्जा । जे तत्थ ईसरे जे समाधिट्ठाए ते उग्गहं अणुण्णवित्ता (ज्जा) - कामं खलु आउसो ! अहालंद अहापरिणातं सामो, जाव आउसो, जाव आउसंतस्स उग्गहे, जाव साहम्मिया, एताव उग्गहं ओगिहिस्सामो, तेण परं विहरिस्सामो । ६२२. से किं पुण तत्थ उग्गहंसि एवोग्गहियंसि ? जे तत्थ समणाण वा माहणाण वा दंडए वा छत्तए वा जाव चम्मछेदणए वा तं णो अंतोहिंतो बाहिं णीणेज्जा, बहियाओ वा णो अंतो पवेसेज्जा, सुत्तं वाण डिबोहेज्जा, णो तेसिं किंचि वि अप्पत्तियं पडिणीयं करेज्जा । ६२३. से भिक्खू वा २ अभिकखेज्न अंबवणं उवागच्छित्तए । जे तत्थ ईसरे जे तत्थ समाहिट्ठाए ते उग्गहं अणुजाणावेज्जा- कामं खलु जाव विहरिस्सामो से किं पुण तत्थ उग्गहंसि एवोग्गहियंसि ? अह भिक्खू इच्छेज्जा अंबं भोत्तए वा पायए वा । से ज्जं पुण अंब जाणेज्जा सअंडं जाव संताणगं तहप्पगारं अंब अफासुयं जाव णो पडिगाहेज्जा । ६२४. से भिक्खू वा २ से ज्जं पुण अंब जाणेज्ना अप्पंडं जाव संताणगं अतिरिच्छछिण्णं अव्वोच्छिण्णं अफासुगं जाव णो पडिगाहेज्जा । ६२५ से भिक्खू वा २ से ज्जं पुण अंब जाणेज्ना अप्पंडं जाव संताणगं तिरिच्छछिण्णं वोच्छिण्णं फासुगं जाव पडिगाहेज्जा । ६२६. से भिक्खू वा २ अभिकंखेज्जा अंबभित्तगं वा अंबपेसियं वा अंबचोयगं वा अंबसालगं वा अंबदालगं वा भोत्तए वा पायएवा, सेज्जं पुण जाणेज्जा अंबभित्तगं वा जाव अंबदालगं वा सअंडं जाव संताणगं अफासुयं जाव णो पडिगाहेज्जा । ६२७. से भिक्खू वा २ से ज्जं पुण जाणेज्जा अंबभित्तगं वा जाव अंबदालगं वा अप्पंडं जाव संताणगं अतिरिच्छच्छिण्णं अव्वोच्छिण्णं अफासुयं जाव नो पडिगाहेज्जा । ६२८. से ज्जं पुण जाणेज्जा अंबभित्तगं वा जाव अंबदालगं वा अप्पंडं जाव संताणगं तिरिच्छच्छिण्णं वोच्छिण्णं फासूयं जाव पडिगाहेज्जा । ६२९. से भिक्खू वा २ अभिकंखेज्जा उच्छुवणं उवागच्छित्तए । जे तत्थ ईसरे जाव उग्गहंसि एवोग्गहियंसि ? अह भिक्खू इच्छेज्ना उच्छं भोत्तए वा पातए वा, से ज्जं उच्छ्रं जाणेज्जा सअंडं जाव णो पडिगाहेज्जा । अतिरिच्छच्छिण्णं तहेव । तिरिच्छच्छिण्णे वि तहेव । ६३०. से भिक्खू वा २ अभिकखेज्जा अंतरुच्छ्रयं वा उच्छृंगडियं वा उच्छुचोयगं वा उच्छुसालगं वा उच्छुडालगं वा भोत्तए वा पात वा । से ज्जं पुण जाणेज्जा अंतरुच्छ्रयं वा जाव डालगं वा सअंडं जाव णो पडिगाहेज्जा । ६३१. से भिक्खू वा २ से ज्जं पुण जाणेज्जा अतरुच्छ्रयं वा जाव डालगं COOK श्री आगमगुणमंजूषा ४२
HOROS