Agam 01 Ang 01 Acharanga Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 59

YOO
(१) आयारो बी. सु. ७ अ. ओम्गहपडिमा उद्देसक २/ बीआ चूला ८ अ. ठाणसत्तिक्कयं [४३]
वा अप्पंडं जाव नो पडिगाहेज्जा, अतिरिच्छच्छिण्णं तिरिच्छच्छिण्णं तहेव । ६३२. से भिक्खू वा २ अभिकंखेज्जा ल्हसुणवणं उवागच्छित्तए, तहेव तिणि वि आलावगा, नवरं ल्हसुणं । से भिक्खू वा २ अभिकंखेज्जा ल्हसुणं वा ल्हसुणकंदं वा ल्हसुणचोयगं वा ल्हसुणणालगं वा भोत्तए वा पायए वा । सेज्जं पुण जाणेज्जा लहसुणं वा जाव ल्हसुणबीजं वा सअंडं जाव णो पडिगाहेज्जा । एवं अतिरिच्छच्छिण्णे वि । तिरिच्छच्छिण्णे जाव पडिगाहेज्जा । ६३३. से भिक्खू वा २ आगंतारेसु वा ४ जावोग्गहियंसि जे तत्थ गाहावतीण वा गाहावतिपुत्ताण वा इच्चेयाइं आयतणाइं उवातिकम्म अह भिक्खू जाणेज्जा इमाहिं सत्तहिं पडिमाहिं उग्गहं ओगिण्हित्तए १ तत्थ खलु इमा पढमा पडिमा से आगंतारेसु वा ४ अणुवीयि उग्गहं जाएज्जा जाव विहरिस्सामो। पढमा पडिमा । २ अहावरा दोच्चा पडिमा जस्सं णं भिक्खुस्स एवं भवति ‘अहं च खलु अण्णेसिं भिक्खूणं अट्ठाए उग्गहं ओगिहिस्सामि, अण्णेसिं भिक्खूणं उग्गहे उग्गहिते उवल्लिस्सामि' । दोच्चा पडिमा । ३ अहावरा तच्चा पडिमा जस्सं भिक्खुस्स एवं भवति 'अहं च खलु अण्णेसिं भिक्खूणं अट्ठाए उग्गहं ओगिहिस्सामि, अण्णेसिं च उग्गहे उग्गहिते णो उवल्लिस्सामि' । तच्चा पडिमा । ४ अहावरा चउत्था पडिमा जस्सं णं भिक्खुस्स एवं भवति 'अहं च खलु अण्णेसिं भिक्खूणं अट्ठाए उग्गहं णो ओगिहिस्सामि, अण्णेसिं च उग्गहे उम्गहिते उवल्लिस्सामि' । चउत्था पडिमा । ५ अहावरा पंचमा पडिमा जस्सं णं भिक्खुस्स एवं भवति - 'अहं च खलु अप्पणो अट्ठाए उग्गहं ओगिहिस्सामि, णो दोण्हं, णो तिण्हं, णो चउण्हं, णो पंचण्हं' । पंचमा पडिमा । ६ अहावरा छट्टा पडिमा से भिक्खू वा २ जस्सेव उग्गहे उवल्लिएज्जा, जे तत्थ अहासमण्णा तं जहा इक्कडे वा जाव पलाले वा, तस्स लाभे संवसेज्जा, तस्स अलाभे उक्कडुए वा सज्जिओ वा विहरेज्जा । छट्ठा पडिमा । ७ अहावरा सत्तमा पडिमा से भिक्खू वा २ अहासंथडमेव उग्गहं जाएज्जा, तंजहा पुढविसिलं वा कट्टसिलं वा अहासंथडमेव, तस्स लाभे संवसेज्जा, तस्स अलाभे उक्कुडुओ वा णेसज्जिओ वा विहरेज्जा । सत्तमा पडिमा । ६३४. इच्वेतासि सत्तण्हं पडिमाणं अण्णतरिं जहा पिंडेसणाए । ६३५. सुयं मे आउसंतेणं भगवया एवमक्खायं इह खलु थेरेहिं भगवंतेहिं पंचविहे उग्गहे पण्णत्ते, तंजहा देविंदोग्गहे १, राओग्गहे २, गाहावतिउग्गहे ३, सागारियउग्गहे ४, साधम्मियउग्गहे ५ । ६३६. एतं खलु तस्स भिक्खुस्स वा भिक्खुणीए वा सामग्गियं । ॥ उग्गहपडिमा समत्ता ॥ ॥ सत्तमज्झयण ॥ ॥ समत्ता पढमचूला || 555 || बीआ चूला ॥ ८ अट्ठमं अज्झयणं 'ठाणसत्तिक्कयं' आए चलाए पढमं अज्झयणं 555 ६३७. से भिक्खू वा २ अभिकखेति ठाणं ठाइत्तए । से अणुपविसेज्जा गामं वा नगरं वा जाव संणिवेसं वा । से अणुपविसित्ता गामं वा जाव संणिवेसं वा से ज्जं पुण ठाणं जाणेज्ना सअंडं जाव मक्कडासंताणयं तं तहप्पगारं ठाणं अफासुयं अणेसणिज्जं लाभे संते णो पडिगाहेज्जा । एवं सेज्जागमेण नेयव्वं जाव उदयपसूयाइं ति । ६३८. इच्चेताई आयतणाई उवातिकम्म अह भिक्खू इच्छेज्जा चउहिं पडिमाहिं ठाणं ठाइत्तए । १ तत्थिमा पढमा पडिमा
अचित्तं खलु उवसज्जेज्जा, अवलंबेज्जा, कारण विप्परिकम्मादी, सवियारं ठाणं ठाइस्सामि । पढमा पडिमा । २ अहावरा दोच्चा पडिमा अचित्तं खलु उवसज्जेज्जा, अवलंबेज्जा, कारण विप्परिकम्मादी, णो सवियारं ठाणं ठाइस्सामि त्ति दोच्चा पडिमा । ३ अहावरा तच्चा पडिमा अचित्तं खलु उवसज्जेज्जा, अवलंबेज्जा, जो कारण विप्परिकम्मादी, णो सवियारं ठाणं ठाइस्सामि त्ति तच्चा पडिमा । ४ अहावरा चउत्था पडिमा अचित्तं खलु उवसज्जेज्जा, जो अवलंबेज्जा, णो कारण विप्परिकम्मादी, णो सवियारं ठाणं ठाइस्सामि, वोसट्टकाए वोसट्ठकेस-मंसु-लोम-णहे संणिरुद्धं वा ठाणं ठाइस्सामि त्ति चउत्था पडिमा । ६३९. इच्चेयासिं चउण्हं पडिमाणं जाव पग्गहियतरायं विहरेज्जा, णेव किंचि वि वदेज्जा । ६४०. एतं खलु तस्स भिक्खुस्स वा भिक्खुणिए वा जाव जएज्जासि त्ति बेमि । ★ ★ ★ ॥ ठाणसत्तिक्कयं समत्तं 1555 ९ नवमं अज्झयणं 'णिसीहिया' सत्तिक्कयं बीयाए चूलाए बीयं अज्झयण ६४१. से भिक्खू वा २ अभिकंखति णिसीहियं गमणाए । से ज्जं पुण णिसीहियं जाणेज्जा सअंडं सपाणं जाव मक्कडासंताणयं, तहप्पगारं णिसीहियं अफासुयं अणेसणिज्जं लाभे संते णो चेतिस्सामि । ६४२. से भिक्खू वा २ अभिकंखति णिसीहियं गमणाए, से ज्जं पुण निसीहियं जाणेज्जा अप्पपाणं अप्पबीयं जाव मक्कडासंताणयं तहप्पगारं णिसीहियं फासूयं एसणिज्जं लाभे संते चेतिस्सामि । एवं सेज्नागमेण णेतव्वं जाव उदयपसूयाणि त्ति । ६४३. जे तत्थ दुवग्गा वा तिवग्गा वा चउवग्गा वा पंचवग्गा वा अभिसंधारेति णिसीहियं गमणाए ते णो अण्णमण्णस्स
MOTOR श्री आगमगुणमंजूषा - ४३ 原纸纸纸纸纸纸纸