Agam 01 Ang 01 Acharanga Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 68

COLO乐乐场
( आयारो - बी. सु. १५ अ. भावणाश
भावणा। २ अहवरा दोच्चा भावणा-मणं परिजाणति से णिग्गंथे, जे य मणे पावए सावज्जे सकिरिए अण्हयकरे छेदकरे भेदकरे अधिकरणिए पादोसिए पारिताविए पाणातिवाइए भूतोवघातिए तहप्पगारं मणं णो पधारेज्जा । मणं परिजाणति से णिग्गंथे, जे य मणे अपावए त्ति दोच्चा भावणा । ३ अहावरा तच्चा भावणा वइं परिजाणति से णिग्गंथे, जा य वई पाविया सावज्जा सकिरिया भूतोवघातिया तहप्पगारं वई णो उच्चारेज्जा । जे वइं परिजाणति से णिगंथे जा य वति अपाविय त्ति तच्चा भावणा। ४ अहावरा चउत्था भावणा आयाणभंडमत्तणिक्खेवणासमिते से णिग्गंथे, णो अणादाणभंडमत्तणिक्खेवणासमिते । के वली बूया आदाणभंडनिक्खेवणाअसमिते से णिग्गंथे पाणाइं भूताइं जीवाइं सत्ताई अभिहणेज्ज वा जाव उद्दवेज्ज वा । तम्हा आयाणभंडणिक्खेवणासमिते से णिग्गंथे, णो अणादाणभंडणिक्खेवणासमिते त्ति चउत्था भावणा। ५ अहावरा पंचमा भावणा आलोइयपाण-भोयणभोई से णिग्गंथे, णो अणालोइयपाण-भोयणभोई । केवली बूया अणालोइयपाण-भोयणभोई से णिग्गंथे पाणाणि वा भूताणि वा जीवाणि वा सत्ताणि वा अभिहणेज्ज वा जाव उद्दवेज वा। तम्हा आलोइयपाण-भोयणभोई से णिग्गंथे, णो अणालोइयपाण-भोयणभोइ त्ति पंचमा भावणा । ७७९. एत्ताव ताव महव्वयं(ए) सम्म काएण फासिते पालिते तीरिए किट्टिते अवट्ठिते आणाए आराहिते यावि भवति । पढमे भंते ! महव्वए पाणाइवातातो वेरमणं । ७८०. अहावरं दोच्वं भंते ! महव्वयं पच्चक्खामि सव्वं मुसावायं वइदोसं । से कोहा वा लोभा
वा भया वा हासा वा णेव सयं मुसं भासेज्जा, णेवऽण्णेणं मुसं भासावेज्जा, अण्णं पि मुसं भासंतं ण समणुजाणेज्जा तिविहं तिविहेणं मणसा वयसा कायसा। तस्स # भंते ! पडिक्कमामि जाव वोसिरामि । ७८१. तस्सिमाओ पंच भावणाओ भवंति १ तत्थिमा पढमा भावणा अणुवीयि भासी से णिग्गंथे, णो अणणुवीयि भासी।
केवली बूया अणणुवीयि भासी से णिग्गंथे समावज्जेज मोसं वयणाए । अणुवीयि भासी से निग्गंथे, णो अणणुवीयि भासि त्ति पढमा भावणा। २ अहावरा दोच्चा भावणा-कोधं परिजाणति से निग्गंथे, णो कोधणे सिया। केवली बूया कोधपत्ते कोही समावदेज्जा मोसं वयणाए। कोधं परिजाणति से निग्गंथे, णो य कोहणाए सि य ति दोच्चा भावणा। ३ अहावरा तच्चा भावणा-लोभं परिजाणति से णिग्गंथे, णो य लोभणाए सिया। केवली बूया लोभपत्ते लोभी समावदेजा मोसं वयणाए। लोभ परिजाणति से णिग्गंथे, णो य लोभणाए सि य ति तच्चा भावणा। ४ अहावरा चउत्था भावणा -भयं परिजाणति से निग्गंथे, णो य भयभीरुए सिया। केवली बूया भयपत्ते भीरू समावदेज्जा मोसं वयणाए । भयं परिजाणति से निग्गंथे, णो य भयभीरुए सिया, चउत्था भावणा। ५ अहावरा पंचमा भावणा-हासं परिजाणति
से निग्गंथे णो य हासणाए सिया। केवली बूया-हासपत्ते हासी समावदेज्जा मोसं वयणाए। हासं परिजाणति से णिग्गंथे, णो य हासणाए सिय त्ति पंचमा भावणा। 5७८२. एताव ताव दोच्चे महव्वए सम्म कारणं फासिते जाव आणाए आराहिते यावि भवति । दोच्चं भंते ! महव्वयं मुसावायातो वेरमणं | ७८३. अहावरं तच्चं भंते! ई
महव्वयं 'पच्चाइक्खामि सव्वं अदिण्णादाणं । से गामे वा नगरे वा अरण्णे वा अप्पं वा बहुं वा अणुं वा थूलं वा चित्तमंतं वा अचित्तमंतं वाणेव सयं अदिण्णं गेण्हेज्जा, णेवण्णं अदिण्णं गेण्हावेज्जा, अण्णं पि अदिण्णं गेण्हतं ण समणुजाणेज्जा जावज्जीवाए जाव वोसिरामि'। ७८४. तस्सिमाओ पंच भावणाओ भवंति १ तत्थिमा पढमा भावणा अणुवीयि मितोग्गहजाई से निग्गंथे, णो अणणुवीयि मितोग्गहजाई से णिग्गंथे। केवली बूया अणणुवीयि मितोग्गहजाई से णिग्गंथे अदिण्णं गेण्हेज्जा। अणुवीयि मितोग्गहजाई से निग्गंथे, णो अणणुवीयि मितोग्गहजाइ ति पढमा भावणा। २ अहावरा दोच्चा भावणा अणुण्णविय पाण-भोयणभोई से णिग्गंथे, णो अणणुण्णविय पाण-भोयणभोई । केवली बूया-अणणुण्णविय पाण-भोयणभोई से णिग्गंथे अदिण्णं भुजेजा। तम्हा अणुण्णविय पाण-भोयणभोई से णिग्गंथे, णो अणणुण्णविय पाण-भोयणभोइ त्ति दोच्चा भावणा। ३ अहावरा तच्चा भावणा णिग्गंथे णं उग्गहंसि उग्गहियंसि एत्ताव ताव उग्गहणसीलए सिया । केवली बूयानिग्गंथे णं उग्गहसि उग्गहियंसि एत्ताव ताव अणोग्गहणसीलो अदिण्णं ओगिण्हेज्जा, निग्गंथे णं उग्गहंसि उग्गहियंसि एत्ताव ताव उग्गहणसीलए सिय त्ति तच्चा भावणा। ४ अहावरा चउत्था भावणा-निग्गंथे णं उग्गहंसि उग्गहितंसि अभिक्खणं २ उग्गहणसीलए सिया । केवली बूया णिग्गंथे णं उग्गहंसि उग्गहितंसि
TCSC级听听听听乐听听听听听听听听听听听听听听听听听听听听听听听听听乐乐乐乐乐乐乐乐乐乐乐乐乐乐乐乐GO
听听听听听听听听听听听听听听听听听听听听听听听听听听听听听听听听听听听听听听听听听听听听听听听C恩
MOOf
#
55555555 श्री आगमगुणमंजूषा-५२
555
5 5FOR