Agam 01 Ang 01 Acharanga Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 41

१) आयारो - बी. सु. १ अ. पिंडेसणा उद्देसक ९,१० [२५]
步步步步步步为5%
5
US
乐乐乐听听听听听听听听乐乐乐蛋蛋乐乐乐乐乐步听听乐乐明明明明明明明明听听乐乐坊乐乐乐乐乐听听听听
रायहाणिं वा, इमंसि खलु गामंसि वा जाव रायहाणिसि वा संतेगतियस्स भिक्खुस्स पुरेसंथुया वा पच्छासंथुया वा परिवसंति, तंजहा-गाहावती वा जाव कम्मकरी वा। तहप्पगाराइं कुलाइं णो पुव्वामेव भत्ताए वा पाणाए वा णिक्खमेज्ज वा पविसेज्ज वा । केवली बूया-आयाणमेतं । पुरा पेहा एतस्स परो अट्ठाए असणं वा ४ उवकरेज वा उवक्खडेज्ज वा । अह भिक्खूणं पुव्वोवदिट्ठा ४ जंणो तहप्पगाराई कुलाइं पुव्वामेव भत्ताए वा पाणाए वा पविसेज वा णिक्खमेज्ज वा । सेत्तमायाए एगंतमवक्कमेज्जा, एगंतमवक्कमित्ता अणावायमसंलोए चिट्ठेजा, से तत्थ कालेणं अणुपविसेज्जा, २ त्ता तत्थितरातिरेहिं कुलेहिं सामुदाणियं एसितं वेसियं पिंडवायं एसित्ता आहारं आहारेज्जा । ३९२. अह सिया से परो कालेण अणुपविट्ठस्स आधाकम्मियं असणं वा ४ उवकरेज्जा वा उवक्खडेज वा । तं चेगतिओ तुसिणीओ उवेहेज्जा, आहडमेयं पच्चाइक्खिस्सामि । मातिट्ठाणं संफासे। णो एवं करेजा। से पुव्वामेव आलोएज्जा आउसो ति वा भइणी ति वा णो खलु मे कप्पति आहाकम्मियं असणं वा ४ भोत्तए वा पायए वा, मा उवकरेहि, मा उवक्खडेहिं। से सेवं वदंतस्स परो आहाकम्मियं असणं वा ४ उवक्खडेत्ता आहट्ट दलएजा। तहप्पगारं असणं वा ४ अफासुयं लाभे संते णो पडिगाहेज्जा। ३९३. से भिक्खू वा २ जाव समाणे से ज्जं पुण जाणेज्जा, मंसं वा मच्छं वा भज्जिज्जमाणं पेहाए तेल्लपूयं वा आएसाए उवक्खडिज्जमाणं पेहाए णो खद्धं खद्धं उवसंकमित्तु ओभासेज्जा णण्णत्थ गिलाणाए। ३९४. से भिक्खू वा २ जाव समाणे अण्णतरं भोयणजातं पडिगाहेत्ता सुब्भि सुब्भिं भोच्चा दुब्भिं दुब्भि परिट्ठवेति । मातिट्ठाणं संफासे । णो एवं करेजा। सुन्भिं वा दुन्भिं वा सव्वं भुंजे, ण छड्डए। ३९५. से भिक्खू वा २ जाव समाणे अण्णतरं वा पाणगजायं पडिगाहेत्ता पुप्फ पुप्फ आविइत्ता कसायं कसायं परिट्ठवेति । माइट्ठाणं संफासे । णो एवं करेज्जा । पुप्फ पुप्फे ति वा कसायं कसाए ति वा सव्वमेयं भुंजेज्जा, ण किंचि वि परिट्ठवेज्जा । ३९६. से भिक्खू वा २ बहुपरियावण्णं भोयणजायं पडिगाहेता साहम्मिया तत्थ वसंति संभोइया समणुण्णा अपरिहारिया अदूरगया। तेसिं अणालोइया अणामंतिया परिठ्ठवेति । मातिट्ठाणं संफासे । णो एवं करेज्जा । सेत्तमादाए तत्थ गच्छेज्जा, २ त्ता से पुव्वामेव आलोएज्जा-आउसंतो समणा ! इमे मे असणे वा ४ बहुपरियावण्णे, तं भुंजह व णं परिभाएह वणं । से सेवं वदंतं परो वदेज्जा आउसंतो समणा! आहारमेतं असणं वा ४ जावतियं २ सरति तावतियं २ भोक्खामो वा पाहामो वा । सव्वमेयं परिसडति सव्वमेयं भोक्खामो वा पाहामो वा । ३९७. से भिक्खू वा २ से जं पुण जाणेज्जा असणं वा ४ परं समुद्दिस्स बहिया णीहडं तं परेहिं असमणुण्णातं अणिसिटुं अफासुयं जाव णो पडिगाहेज्जा । तं परेहिं समणुण्णातं समणुसटुं फासुयं लाभे संते जाव पडिगाहेजा।
३९८. एतं खलु तस्स भिक्खुस्स वा भिक्खुणीए वा सामग्गिय ।★★★|| पिण्डैषणाध्ययनस्य नवमोद्देशकः समाप्तः ॥★★★ दसमो उद्देसओ ३९९. से म एगतिओ साहारणं वा पिंडवातं पडिगाहेत्ता ते साहम्मिए अणापुच्छित्ता जस्स जस्स इच्छइ तस्स तस्स खद्धं खद्धं दलाति । मातिट्ठाणं संफासे । णो एवं करेज्जा।
से त्तमायाए तत्थ गच्छेज्जा, गच्छित्ता पुव्वामेव एवं वदेज्जा आउसंतो समणा ! संति मम पुरेसंथुया वा पच्छासंथुया वा, तंजहा आयरिए वा उवज्झाए वा पवत्ती वा थेरे वा गणी वा गणधरे वा गणावच्छेइए वा, अवियाई एतेसिं खद्धं खद्धं दाहामि ? सेणेवं वदंतं परो वदेज्जा कामं खलु आउसो ! अहापज्जत्तं निसिराहि । जावइयं २ परो वदति तावइयं २ णिसिरेज्जा। सव्वमेतं परो वदति सव्वमेयं णिसिरेज्जा। ४००. से एगइओ मणुण्णं भोयणजातं पडिगाहेत्ता पंतेण भोयणेण पलिच्छाएति 'मामेतं दाइयं संतं दणं सयमादिए, तं जहा आयरिए वा जाव गणावच्छेइए वा' । णो खलु मे कस्सइ किंचि वि दातव्वं सिया । माइट्ठाणं संफासे। णो एवं करेज्जा । से तमायाए तत्थ गच्छेज्ना, २ ता पुव्वामेव उत्ताणए हत्थे पडिग्गहं कट्ट इमं खलु इमं खलु त्ति आलोएज्जा। णो किंचि वि विणिगृहेज्जा। ४०१. से एगतिओ अण्णतरं भोयणजातं पडिगाहेत्ता भद्दयं भद्दयं भोच्चा विवण्णं विरसमाहरिति । मातिट्ठाणं संफासे। णो एवं करेज्जा । ४०२. से भिक्खू वा २ से जं पुण जाणेज्जा अंतरुच्छुयं वा उच्छुगंडियं वा उच्छुचोयगं वा उच्छुमेरगं वा उच्छुसालगं वा उच्छुडालगं वा सबलिं वा संबलिथालिगं वा, अस्सिं खलु पडिग्गाहियंसि अप्पे भोयणजाते बहुउज्झियधम्मिए, तहप्पगारं अंतरुच्छुयं वा जाव सबंलिथालिगं वा अफासुयं जाव णो पडिगाहेज्जा । ४०३. से भिक्खू वा २ से जं पुण जाणेज्जा बहुअट्ठियं वा मंसं मच्छं वा बहुकंटगं, अस्सिं खलु पडिग्गाहितंसि अप्पे भोयणजाते बहुउज्झियधम्मिए, तहप्पगारं बहुअट्ठियं वा मंसं मच्छं वा बहुकंटगं लाभे संते णोपडिगाहेज्जा
$听听听听听听听听听听听听听听听听听听听听听听听听听听听听听听听听听听听听听听听听听听听听听听听FC
HEL
55555555 श्री आगमगुणमजूषा -
२५
5 555555