Acharangsutram Part 02

Author(s): Shilankacharya,
Publisher: Agamoday Samiti

Page 222

श्रीआचाराङ्गवृत्तिः
श्रुतस्कं०२ चूलिका ३ भावनाध्य.
(शी०)
॥४२७॥
सभोयणभोई से निग्गंथे, केवली व्या-अइमत्तपाणभोयणभोई से निम्नथे पणियरसभोयणभोई संतिभेया जाव भंसिज्जा, नाइमत्तपाणभोयणभोई से निग्गंथे नो पणीयरसभोयणभोइत्ति चउत्था भावणा ४ । अहावरा पंचमा भावणा-नो निगंथे इत्थीपसुपंडगसंसत्ताई सयणासणाई सेवित्तए सिया, केवली बूया-निरगंथे णं इत्थीपसुपंडगसंसत्ताई सयणासणाई सेवेमाणे संतिभेया जाव भंसिज्जा, नो निग्गंधे इत्थीपसुपंडगसंसत्ताई सयणासणाई सेवित्तए सियत्ति पंचमा भावणा ५. एतावया चउत्थे महव्वए सम्म कारण फासेइ जाव आराहिए यावि भवइ, चउत्थं भंते! महव्वयं ॥ अहावरं पंचम भंते! महव्वयं सव्वं परिग्गरं पञ्चक्खामि से अप्पं वा बहुं वा अणुं वा थूलं वा चित्तमंतमचित्तं वा नेव सयं परिगई गिव्हिज्जा नेवन्नेहिं परिग्गहं गिण्हाविजा अन्नपि परग्गहं गिण्हतं न समणुजाणिज्जा जाव वोसिरामि, तस्सिमाओ पंच भावणाओ भवंति, तत्थिमा पढमा भावणा-सोयओ णं जीवे [मणुन्ना]मणुन्नाई सद्दाई सुणेइ मणुनामणुन्नेहिं सद्देहिं नो सज्जिज्जा नो रजिजा नो गिज्झेजा नो मुज्झि(च्छे)जा नो अज्झोववजिजा नो विणिघायमावजेजा, केवली बूया-निग्गथे णं मणुन्नामणुन्नेहिं सद्देहिं सज्जमाणे रजमाणे जाव विणिघायमावजमाणे संतिभेया संतिविभंगा संतिकेवलिपन्नत्ताओ धम्माओ भंसिजा, न सका न सोउ सद्दा, सोतविसयमागया । रागदोसा उ जे तत्थ, ते भिक्खू परिवजए ॥ १॥ सोयओ जीवे मणुनामणुन्नाई सद्दाई सुणेइ पढमा भावणा १। अहावरा दुच्चा भावणा-चक्खूओ जीवो मणुन्नामणुनाई रूवाई पासइ मणुनामणुन्नेहिं रूवेहिं सज्जमाणे जाव विणिघायमावज्जमाणे संतिभेया जावभंसिजा, जसका रूवमहट्ट, चक्खुविसयमागयं । रागदोसा उ जे तत्थ, ते भिक्खू परिवजए ॥ १॥ चक्खूओ जीवो मणुना २ रूवाई पासइ, दुच्चा भावणा ।
॥४२७॥