Acharangsutram Part 02

Author(s): Shilankacharya,
Publisher: Agamoday Samiti

Page 223

अहावरा तच्चा भावणा-घाणओ जीवे मणुन्ना २ इंगंधाई अग्घायइ मणुनामणुन्नेहिं गंधेहिं नो सजिज्जा नो रजिज्जा जाव नो विणिघायमावज्जिज्जा केवली बूया-मणुनामणुन्नेहिं गंधेहिं सज्जमाणे जाव विणिघायमावज्जमाणे संतिभेया जाव भंसिज्जा, न सका गंधमग्घाउं, नासाविसयमागयं । रागदोसा उ जे तत्थ, ते भिक्खू परिवजए ॥ १॥ घाणओ जीवो मणुन्ना २ इंगंधाई अग्घायइत्ति तच्चा भावणा ३ । अहावरा चउत्था भावणा-जिब्भाओ जीवो मणुन्ना २ ई रसाई अस्साएइ, मणुन्नामणुनेहिं रसेहिं नो सज्जिजा जाव नो विणिघायमावजिज्जा, केवली बूया-निग्गंथे णं मणुनामणुन्नेहिं रसेहि सज्जमाणे जाव विणिघायमावजमाणे संतिभेया जाव भंसिज्जा,-न सक्का रसमस्साउं, जीहाविसयमागयं । रागद्दोसा उ जे तत्थ, ते मिक्खू परिवजए ॥१॥ जीहाओ जीवो मणुन्नारइं रसाइं अस्साएइत्ति चउत्था भावणा ४ । अहावरा पंचमा भावणा-फासओ जीवो मणुन्ना २ इं फासाई पडिसेवेएइ मणुनामणुन्नेहिं फासेहिं नो सज्जिजा जाव नो विणिघायमावजिज्जा, केवली बूया-निग्गंथे णं मणुनामणुन्नेहिं फासेहिं सज्जमाणे जाव विणिघायमावजमाणे संतिभेया संतिविभंगा संतिकेवलीपन्नत्ताओ धम्माओ भंसिज्जा,-न सक्का फासमवेएउं, फासविसयमागयं । रागद्दोसा० ॥१॥ फासओ जीवो मणुन्ना २ ई फासाई पडिसंवेएति पंचमा भावणा ५ । एतावता पंचमे महब्बते सम्मं अवट्ठिए आणाए आराहिए यावि भवइ, पंचमं भंते ! महव्वयं । इच्चेएहिं पंचमहव्वएहिं पणवीसाहि य भावणाहिं संपन्ने अणगारे अहासुयं अहाकप्पं अहामगं
सम्म कारण फासित्ता पालित्ता तीरित्ता किट्टित्ता आणाए आराहित्ता यावि भवइ ॥ (सू०१७९) भावनाऽध्ययनम् ॥२-३॥ 'इरिया समिए' इत्यादि, ईरणं गमनमीर्या तस्यां समितो-दत्तावधानः पुरतो युगमात्रभूभागन्यस्तदृष्टिगामीत्यर्थः,
www.janelibrary.org