Aatmanushasan

Author(s): Gunbhadraswami
Publisher: Shrimad Rajchandra Ashram

Page 8

ઈ.સ. ૨૦૦૧ ‘શ્રી ભક્તામર સ્તોત્ર' આચાર્યશ્રી માનતુંગસૂરિજી ‘ઇષ્ટોપદેશ’ આચાર્યશ્રી પૂજ્યપાદસ્વામી
ઈ.સ. ૨૦૦૨
પરમકૃપાળુદેવે ઠેર ઠેર શુદ્ધ, પૂર્ણ, અસંગ આત્મસ્વરૂપનો મહિમા ગાયો છે અને તથારૂપ દશા પ્રાપ્ત કરવા ત્યાગ, વૈરાગ્ય, ઉપશમ તથા ભક્તિને પરમ અવલંબનભૂત ગણાવ્યાં છે. પત્રાંક૫૧૨માં તેઓશ્રી ફરમાવે છે, વૈરાગ્ય ઉપશમનું બળ વધે તે પ્રકારનો સત્સંગ, સત્શાસ્ત્રનો પરિચય કરવો એ જીવને પરમ હિતકારી છે. બીજો પરિચય જેમ બને તેમ નિવર્તન યોગ્ય છે.' આ શિક્ષાનું અનુસરણ કરવાને અર્થે એવમ્ ઉપરોક્ત મંગળ પરંપરાને અનુલક્ષીને આ વર્ષે આચાર્યશ્રી ગુણભદ્રસ્વામીવિરચિત ‘આત્માનુશાસન’ ગ્રંથ પર આત્મહિતપ્રબોધક સત્સંગમાળાનું આયોજન કરવામાં આવ્યું છે.
આચાર્યશ્રી ગુણભદ્રસ્વામીનાં જન્મકાળ-સ્થળ, દીક્ષા ઇત્યાદિ વિષે કોઈ નિશ્ચિત માહિતી ઉપલબ્ધ નથી, પરંતુ પ્રાપ્ત પ્રમાણોના આધારે તેમનો સમય વિક્રમના નવમા તથા દસમા શતકનો મૂકી શકાય છે. શ્રી ગુણભદ્રસ્વામી કાવ્ય, ન્યાય, વ્યાકરણ અને સાહિત્યના પ્રકાંડ વિદ્વાન તો હતા જ; એ સાથે તેઓશ્રી પ્રખર તપસ્વી, પ્રગલ્ભ સિદ્ધાંતજ્ઞાની અને પ્રકૃષ્ટ ગુરુભક્ત પણ હતા. તેમના ગુરુ આચાર્યશ્રી જિનસેનસ્વામીએ મહાપુરાણ રચવાનું શરૂ કર્યું હતું. મહાપુરાણના બે ભાગ છે આદિપુરાણ અને ઉત્તરપુરાણ. તે પૈકી આદિપુરાણના આશરે દસેક હજાર શ્લોકની રચના પછી શ્રી જિનસેનસ્વામીનો સ્વર્ગ-વાસ થતાં, આચાર્યશ્રી ગુણભદ્રસ્વામીએ આદિપુરાણના ૧૬૨૦ તથા ઉત્તરપુરાણના ૮૦૦૦ શ્લોકની રચના કરી મહાપુરાણનું અધૂરું કાર્ય પૂર્ણ કર્યું હતું. તેમની ગુરુભક્તિ, નિરભિમાનતા અને કાવ્યપ્રતિભાનાં આ રચનામાં અનેક સ્થળે દર્શન થાય છે. ઉપર્યુક્ત મહાપુરાણ તેમજ ‘આત્માનુશાસન’ ઉપરાંત તેઓશ્રીએ ‘જિનદત્તચરિત્ર’ની રચના પણ કરી છે.