Book Title: Vyavaharasutram evam Bruhatkalpsutram
Author(s): Ghasilal Maharaj
Publisher: A B Shwetambar Sthanakwasi Jain Shastroddhar Samiti
View full book text
________________
॥ श्रीबृहत्कल्पसूत्रस्य ॥
मूलपाठः .. सूत्रम् - नो कप्पइ निग्गंथाणं वा निग्गंधीणं वा आमे तालपलंचे अभिन्ने पडि गाहित्तए ॥१॥ .. कप्पइ निग्गंथाणं वा निग्गंथीणं वा आमे तालपलंबे भिन्ने पडिगाहित्तए ॥२॥ .. कप्पइ निग्गंथाणं पक्के तालपलंबे भिण्णे वा अभिण्णे वा पडिगाहित्तए ॥३॥ ___नो कप्पइ निग्गंथीणं पक्के तालपलंबे अभिन्ने पडिगाहित्तए ॥४॥
कप्पह निग्गंथीणं पक्के तालपलंबे भिन्ने पडिगाहित्तए, सेवि य विहिभिण्णे नो चेव गं अविहिभिण्णे ॥५॥ ।
से गामंसि वा णगरंसि वा खेडंसि वा कब्बडंसि वा मडवंसि वा पट्टणंसि वा आगरंसि वा दोणमुहंसि वा निगमंसि वा आसमंसि वा संनिवेसंसि वा संवाहसि वा घोसंसि' वा अंसियसि वा पुडभेयणंसि वा रायहाणिसि वा सपरिक्खेवंसि अवाहिरियसि कप्पइ निग्गंथाणं हेमंतगिम्हामु एगं मासं वत्थए ॥६॥
से गामंसि वा जाव रायहाणिसि वा सपरिक्खेवंसि सवाहिरियसि कप्पइ निग्गंथाणं हेमंतगिम्हामु दो मासे चित्थए, अंतो इक्कं मासं, बाहिं इक्कं मासं, अंतो वसमाणाणं अंतो भिक्खायरिया, वाहि वसमाणाणं बाहिं भिक्खायरिया ॥७॥
से गामंसि वा जाव ,रायहाणिसि वा सपरिक्खेवंसि अवाहिरियंसि कप्पइ निरगंथीणं हेमंतगिम्हास दो मासे वत्थए ॥८॥ .
से गामंसि वा जाव रायहाणिसि वा सपरिक्खेवंसि सबाहिरियसि कप्पइ निग्गंथीणं हेमंतगिम्हामु चत्तारि मासे वत्थए, अंतो दो मासे, वाहिं दो मासे, अंतो वसमाणीणं अंतो भिक्खायरिया, बाहि वसमाणीणं बाहिं भिक्खायरिया ॥९॥
से गामंसि वा जाव रायहाणिसि वा एगवडाए एगदुवाराए एगनिक्खमणपवेसाए नो कप्पइ निग्गंथाणं वा निग्गंथीणं वा एगयओ वधए ॥१०॥
गामंसि वा जाव रायहाणिसिवा अभिणिवगडाए अभिनिदुवाराए अभिणिक्खमणपवेसाए कप्पइ निग्गंथाणं वा निग्गंथीणं वा एगयओ वत्थए ॥११॥
