Book Title: Vyavaharasutram evam Bruhatkalpsutram
Author(s): Ghasilal Maharaj
Publisher: A B Shwetambar Sthanakwasi Jain Shastroddhar Samiti
View full book text
________________
॥ बीओ उद्देसो॥ उवस्सयस्स अंतो वगडाए सालीणि वा वीहीणि वा मुग्गाणि वा मासाणि वा तिलाणि वा कुलत्थाणि वा गोहूमाणि वा जवाणि वा जवजवाणि वा उक्खित्ताणि वा विक्खित्ताणि वा विइकिण्णाणि वा विप्पकिण्णाणि वा नो कप्पइ निग्गंथाण वा निग्गथीण वा अहालंदमवि वत्थए ॥१॥
अह पुण एवं जाणिज्जा-(उवस्सयस्स अंतो वगडाए सालीणि वा०) नो उक्खित्ताई नो विक्खित्ताई नो विइकिण्णाई नो विप्पकिण्णाई (किन्तु) रासिकडाणि वा पुंजकडाणि वा भित्तिकडाणि वा कुलियाकडाणि वा लंछियाणि वा मुद्दियाणि वा पिहियाणि वा कप्पइ निग्गंथाण वा निग्गंथीण वा हेमंतगिम्हासु वत्थए ॥२॥ .।
अह पुण एवं जाणिज्जा (उवस्सयस्स अंतो वगडाए सालीणि वा०) नो रासिकडाई, नो पुंजकडाई, नो भित्तिकडाई, नो कुलियाकडाई, (किन्तु) कोहाउत्ताणि वा, पल्लाउत्ताणि वा, मंचाउत्ताणि वा, मालाउत्ताणि वा ओलित्ताणि वा लित्ताणि वा, पिहियाणि वा लंछियाणि वा, मुद्दियाणि वा कप्पइ निग्गंथाण वा निग्गंथीण वा वासावासं वत्थए ॥३॥
उवस्सयस्स अंतो वगडाए सुरावियडकुंभे वा, सोवीरवियडकुंभे वा उवनिक्खित्ते सिया. नो कप्पइ निग्गंथाण वा निग्गंथीण वा अहालंदमबि वत्थए । हुरत्था य उवस्सयं पडिलेहमाणे नो लभेज्जा एवं से कप्पइ एगरायं वा दुरायं वा वत्थए, जे तत्थ एगरायाओ वा दुरायाओ वा परं वसइ से संतरा छेए वा परिहारे वा ॥४॥ ___उवस्सयस्स अंतो वगडाए सीओदगवियडकुंभे वा उसिणोदगवियडकुंभे वा उवनिक्खित्ते सिया, नो कप्पइ निग्गंथाण वा निग्गंथीण वा अहालंदमपि वत्थए । हुरत्था य उवस्सयं पडिलेहमाणे नो लभेज्जा एवं से कप्पइ एगरायं वा दुरायं वा वत्थए, जे तत्थ एगरायाओ वा दुरायाओ वा पर वसइ से संतरा, छेए वा परिहारे वा ॥५॥
. उवस्सयस्स अंतो वगडाए सवराईए जोई झियाएज्जा नो कप्पइ निग्गथाण वा निग्गथीण वा अहालंदमवि वत्थए, हुरत्था य उवस्सयं पडिलेहमाणे नो लभेज्जा एवं से कप्पइ एगरायं वा दुरायं वा वत्थए, जे तत्थ एगरायाओं वा दुरायाओ वा परं वसइ से संतरा छेए वा परिहारे वा ॥६॥ ।।
उवस्सयस्स अंतो वगडाए सव्वराईए पईवे पईवेज्जा नो' कप्पइ निग्गंथाण वा निग्गंथीण वा अहालंदममि वत्थए । हुरत्था य उवस्सयं पडिलेहमाणे नो
