Vastupal Prashasti Sangraha

Author(s): Punyavijay
Publisher: Singhi Jain Shastra Shiksha Pith Mumbai

Page 111

चतुर्दशं परिशिष्टम श्रीमदरिसिंहविरचितं
सुकृतसंकीर्तनमहाकाव्यम् ।
वनराजः
श्रीवेश्मविस्मयमयप्रबलप्रतापश्चापोत्कटान्वयवनैकहरिनरेन्द्रः । आसीदसीमचरितः परितप्तशत्रु-भालाप्तिाभिनलिनो वनराजदेवः यत्खड्गखण्डितविरोधिशिरोऽधिरक्त-स्रोतस्विनीभिरुदधिर्विदधे सरागः । येनाऽधुनाऽप्यरुणतां भजतस्तदङ्ग-सम्पर्कतोऽर्क-शशिनावुदयक्षणेषु निर्गत्य कोशकुहरादसिदन्दशूकः, श्यामो यथागतमगात् त्वरितं यदीयः । एतेषु मास्म विशदेष परैरितीव, रुद्धेषु वक्त्रविवरेषु कराङ्गुलीभिः खट्वाङ्गसञ्जतकरस्तरवारिलग्न-कृत्तारिमुण्डमिषतः समराङ्गणे यः । भालाधिरोपितहुताशनचण्डचक्षु-रामादिभासुरविरोधिविभासुरश्रीः
॥४॥ तेने कृतान्तसमतां रसनासनाभि-धारोद्धरो यदसिरञ्जनमञ्जलश्रीः । अहाय यस्य युधि दर्शनसंज्ञयैव, भिन्दन्नरीनधित किङ्करतां कृतान्तः स्तब्धप्रकम्पितविलीनविवर्णगात्रैः, खिन्नैर्विभङ्गररवस्फुरदश्रलेशम् । उन्मुच्य पौरुषमवाप्य च भीरुभावं, यः सेव्यते रिपुभिरुत्पुलकैः प्रसन्नः ॥६॥ आकर्ण्य तूर्णमुपकर्णयितुं च यस्य, कीर्ति मुहुर्भुजगभीरुगणेन गीताम् । चक्षुःश्रवा रसक्शेन दृशां निमेषो-न्मेषक्रियामनिमिषोऽपि चकार शेषः वक्रीकृते धनुषि मौक्तिकताडपत्रज्योत्स्नाम्बुभारभृति पल्वलतां दधाने । यस्याऽऽननं विकचवारिजकल्पमन्त-भेंजे विहाय परराजकरान् जयश्रीः ॥८॥ श्रीमत् पुरं भुवि पुरन्दरपत्तनाभं, तेनाऽऽदधेऽणहिलपाटकनामधेयम् । स्त्रीणां मुखे स्मरतपस्विवनेऽजनीन्दु-पद्मश्रियोरसुहृदोरपि यत्र योगः। अन्तर्वसद्धनजनाद्भुतभारतो भू-र्मा भ्रश्यतादिति भृशं वनराजदेवः।
पञ्चासराहनवपार्श्वजिनेशवेश्म-व्याजादिह क्षितिधरं नवमाततान ॥१०॥ १ग-विशीर्ण ॥