Trishashti Shakala Purush Charitam Part 4

Author(s): Hemchandracharya,
Publisher: Jinshasan Aradhana Trust

Page 269

त्रिषष्टिशलाकापुरुषचरिते ||२२२॥
सप्तमं पर्व अष्टमः सर्गः रामलक्ष्मणरावणचरितम् ।
सूनवो द्वे शते सार्धे तेष्वष्ट महिषीभवाः । श्रीधरोऽभूद्विशल्याभूः पृथिवीतिलकः पुनः ।। २५० ॥ रूपवत्यङ्गजो वनमालाजोऽर्जुनसङ्घकः । श्रीकेशी जितपद्मायाः कल्याणायास्तु मङ्गलः ।।२५१ ।। सुपार्श्वकीर्तिस्तु मनोरमाया विमलः पुनः । रतिमालाभूरभयवतीभूः सत्यकीर्तिकः ।। २५२ ।। रामस्याऽऽसन्महादेव्यश्चततस्तत्र मैथिली । प्रभावती रतिनिभा श्रीदामा तु चतुर्थिका ।।२५३ ॥ सीतैकदा ऋतुस्नाता निशान्ते स्वप्नमैक्षत । च्युतौ विमानाच्छरभौ प्रविशन्तौ निजानने ।। २५४ ॥ व्याख्याद्रामस्तयाऽऽख्याते वीरौ ते भाविनौ सुतौ । च्युतौ विमानाच्छरभौ यत्तु तन्न मुदे मम ।। २५५ ।। धर्मस्य ते च माहात्म्यात् सर्व भावि शुभं प्रभो !। इत्यूचे जानकी देवी तदा गर्भ दधार च ।। २५६ ॥ सीता प्राणप्रियाऽग्रेऽपि प्राप्तगर्भा विशेषतः । बभूव रामचन्द्रस्य लोचनानन्दचन्द्रिका ।। २५७ ॥ ईर्ष्यालवः सपल्यस्तां मायाविन्योऽब्रुवन्नदः । कीदृग्रूपो रावणोऽभूत् ? तं लिखित्वा प्रदर्शय ।।२५८ ।। सीताऽप्यूचे मया दृष्टः सर्वाङ्गं न हि रावणः । दृष्टौ तच्चरणावेव कथं नाम लिखामि तम् ? ।। २५९ ।। तत्पादावप्यालिख त्वं कौतुकं नस्तदीक्षणे । इत्युक्ता प्रकृतिऋज्वी दशास्याङ्ग्री लिलेख सा ।।२६० ।। स्थाने तत्राऽऽगमद्रामो बभाषे ताभिरप्यदः । रावणस्य स्मरत्यद्याऽप्यसौ सीता तव प्रिया ।। २६१ ॥ सीतास्वहस्तलिखितं रावणस्य क्रमद्वयम् । पश्यैतन्नाथ ! जानीहि सीता तस्यैव नाथते ।। २६२ ।। दृष्ट्वाऽपि तत्तथा रामो गम्भीरत्वान्महामनाः । तथैव ववृते सीतादेव्यामनुपलक्षितः ।। २६३ ।। १ अष्टापदमृगौ । २ प्रकृत्या स्वभावेन ऋज्वी सरला । ३ क्रमश्चरणः । ४ पूर्ववत् ।
मनोरमाया लक्ष्मणेन सह लग्नः , सीताया गर्भधारणम् ।
॥२२२ ॥