Trishashti Shakala Purush Charitam Part 4

Author(s): Hemchandracharya,
Publisher: Jinshasan Aradhana Trust

Page 280

त्रिषष्टि
शलाका
पुरुषचरिते ॥२३३॥
वज्रजङ्घमथोवाच लवणः प्रश्रयं श्रयन् । इच्छावस्तत्र गत्वाऽऽवां प्रेक्षितुं रामलक्ष्मणौ ॥ ७३ ॥ प्रतिपद्य स तद्वाचमङ्कुशं पर्यणाययत् । महोत्सवेन पृथुराट्पुत्र्या कनकमालया ॥ ७४ ॥ वज्रजङ्घपृथुभ्यां तावन्वितौ लवणाङ्कुशौ । साधयन्तौ बहून् देशान् लोकाख्यपुरमीयतुः ।। ७५ ।। युद्धभूमौ च तद्भूपं धैर्यशौण्डीर्यशालिनम् । कुबेरकान्तनामानं तत्र मानिनं जिग्यतुः ।। ७६ ।। लम्पाकेष्वेककर्णाख्यं विजिग्याते नृपं च तौ । ततश्च विजयस्थल्यां भूपं भ्रातृशताभिधम् ॥ ७७ ॥ गङ्गामुत्तीर्य कैलासस्योत्तरां दिशमीयतुः । तत्र नन्दनचारूणां देशानां चक्रतुर्जयम् ॥ ७८ ॥ रेषकुन्तलकालाम्बुनन्दिनन्दनसिंहलान् । शलभाननलाञ्छूलान् भीमान् भूतरवादिकान् ॥ ७९ ॥ तौ जयन्तौ नृपान् सिंधोः परकूलमुपेयतुः । तत्र चाऽऽर्याननार्यांश्च साधयामासतुर्नृपान् ॥ ८० ॥ ॥ युग्मम् ॥ बहुदेशेश्वरानेवं साधयित्वा सहैव तैः । निवृत्योपेयतुस्तौ तत्पुण्डरीकपुरं पुरम् ॥ ८१ ॥ अहो ! धन्यो वज्रजज्ञे यदीयौ यामिनन्दनौ । ईदृशाविति जल्पद्भिर्वीक्ष्यमाणौ पुरीजनैः ।। ८२ ॥ जग्मतुः स्वगृहं भूपवीरैः समावृतौ । प्रणेमतुश्च जानक्याश्चरणौ विश्वपावनौ ।। ८३ ।।
॥ युग्मम् ॥
चुचुम्ब मूर्ध्नि तौ सीता स्नपयन्ती मुदश्रुभिः । रामलक्ष्मणयोस्तुल्यौ भूयास्तमिति चाऽवदत् ॥ ८४ ॥ ऊचतुर्वज्रजङ्घ तौ मातुल ! प्राक् त्वयाऽऽवयोः । मेने यानमयोध्यायामिदानीमनुतिष्ठ तत् ॥ ८५ ॥ आज्ञाप्यन्तां च लम्पाकरुषकालाम्बुकुन्तलाः । शलभानलशूलाद्याश्चाऽपरेऽपि महीभुजः ॥ ८६ ॥ १ लम्पाकदेशेषु । ३ देशनामान्येतानि । ३ भगिनीपुत्रौ ।
सप्तमं पर्व
नवमः
सर्गः
रामलक्ष्मणरावण
चरितम् ।
रामपुत्रकृतदेशविजयः ।
।। २३३ ।।