________________
वर्तमान तीर्थंकर श्री सीमंधर स्वामी
ए.एम.पटेलची) तीनशे छपन्न डिग्री आहे. मला चार डिग्री कमी पडते. म्हणूनच मी प्रथम बोलण्याची सुरुवात केली की ज्यामुळे हे सगळेजण बोलतील. कारण त्यांचीही डिग्री कमी आहे ना!
प्रश्नकर्ता : ज्यांना आपण 'दादा भगवान' म्हणतात ते आणि हे 'सीमंधर,' यांच्यात नेमका काय संबंध आहे ?
दादाश्री : ओहोहो! ते तर एकच आहे. पण या सीमंधर स्वामींना दाखविण्याचे कारण हेच आहे की सध्या मी देहासहित आहे म्हणून मला तिथे जाण्याची गरज आहे. कारण जोपर्यंत सीमंधर स्वामींचे दर्शन होत नाही, तोपर्यंत मुक्त होऊ शकत नाही. एक जन्म बाकी राहील. मुक्ती तर जे स्वतः मुक्त झाले आहेत, त्यांच्या दर्शनाने मिळते. तसे तर मी सुद्धा मुक्त झालेलो आहे, परंतु ते संपूर्ण मुक्त आहेत. लोकांना आमच्यासारखे सांगत नाही, की इथे या आणि तिथे या. मी तुम्हाला ज्ञान देईल. ते अशी खटाटोप करीत नाही. 'सीमंधर स्वामींचा असीम जय जयकार हो' बोलू शकतो?
प्रश्नकर्ता : ‘सीमंधर स्वामींना निश्चयाने नमस्कार करतो' हे जे आपण बोलतो, तर हे निश्चयानेच बोलायचे असते की व्यवहाराने बोलायचे असते?
दादाश्री : निश्चयाने. आणि देह तर लहान मोठा असू शकतो आम्हाला देहासोबत काही घेणे-देणे नाही.
प्रश्नकर्ता : म्हणजे 'मी सीमंधर स्वामींना निश्चयाने नमस्कार करतो' असे जे बोलतो ते बरोबर आहे ना?
दादाश्री : बरोबर आहे. व्यवहाराने म्हणजे देहाने आणि या नमस्कार विधीत जे इतर सर्व गोष्टी आहेत, ते सर्व व्यवहाराने आहे. येथे फक्त हा एकच नमस्कार निश्चयाने आहे.
प्रश्नकर्ता : दादा भगवानांचे निश्चयाने आहे?
