Tattvarthadhigam Sutra Part 02

Author(s): Udayprabhvijay
Publisher: Keshar Chandra Prabhav Hem Granthmala

Page 355

३२३
परिशिष्ट-५ परिशिष्ट - ५ तत्त्वार्थाधिगमसूत्राणां बीजभूत “आगम सूत्राणि" तत्त्वार्थसूत्र अध्याय - २, सूत्र - १
छविहे भावे पण्णत्ते, तं जहा-ओदइए उपसमिते खत्तिते खतोवसमिते पारिणामिते सन्निवाइए।
(स्थानांग स्थान - ६, सूत्र - ५३७) तत्त्वार्थसूत्र अध्याय - २, सूत्र - २, ३, ४, ५, ६, ७ ।
से किं तं उदइए ? दुविहे पण्णत्ते, तं जहा - उदइए अ उदयनिप्फण्णे अ। से किं तं उदइए ? अठ्ठण्डं कम्मपयडीणं उदएणं, से तं उदइए। से किं तं उदयनिप्फन्ने ? दुविहे पण्णत्ते, तं जहा - जीवोदयनिप्फन्ने अ अजीवोदयनिप्फन्ने अ। से किं तं जीवोदयनिप्फन्ने ? अणेगविहे पण्णत्ते, तं जहा - णेरइए तिरिक्खजोणिए मणुस्से देवे पुढविकाइए जाव तसकाइए कोहकसाई जाव लोहकसाई इत्थीवेदए पुरिसवेदए णपुंसगवेदए कण्हलेसे जाव सुक्कलेसे मिच्छादिट्ठो अविरए असण्णी अण्णाणी आहारए छउमत्थे सजोगी संसारत्थे असिद्धे, से तं जीवोदयनिप्फन्ने । से किं तं अजीवोदयनिप्फन्ने ? अणेगविहे पण्णत्ते, तं जहा - उरालि वा सरीरं उरालिअसरीर पओगपरिणामि वा दव्वं, वेउव्विअं वा सरीरं वेउव्वियसरीरपओगपरिणामि वा दव्वं, एवं आहारगं सरीरं तेअगं सरीरं कम्मगसरीरं च भाणिअव्वं, पओगपरिणामिए वण्णे गंधे रसे फासे, से तं अजीवोदयनिप्फण्णे। से तं उदयनिप्फण्णे, से तं उदइए।
से किं तं उवसमिए ? दुविहे पण्णत्ते, तं जहा - उवसमे अ उवसमनिप्फणे अ। से किं तं उवसमे ? मोहणिज्जस्स कम्मस्स उवसमेणं, से तं उवसमे। से किं तं उवसमनिप्फण्णे ? अणेगविहे पण्णत्ते, तं जहा - उवसंतकोहे जाव उवसंतलोभे उवसंतपेज्जे उवसंतदोसे उवसंतदंसणमोहणिज्जे उवसंतमोहणिज्जे उवसमिआ सम्मत्तलद्धि उवसमिआ चरित्तलद्धी उवसंतकसायछउमत्थवीयरागे, से तं उवसमनिप्फण्णे। से तं उवसमिए।
से किं तं खइए ? दुविहे पण्णत्ते तं जहा - खइए अ खयनिप्फण्णे अ। से किं तं खइए ? अट्ठण्हं कम्मपयडीणं खएणं, से तं खइए। से किं तं खयनिप्फण्णे ? अणेगविहे पण्णत्ते, तं जहा - उप्पण्णणाणदंसणधरे अरहा जिणे केवली खीणआभिणिबोहियणाणावरणे खीणसुअणाणावरणे खीणओहिणाणावरणे खीणमणपज्जवणाणावरणे खीणकेवलणाणावरणे अणावरणे निरावरणे खीणावरणे णाणावरणिज्जकम्मविप्पमुक्के; केवलदंसी सव्वदंसी खीणनिद्दे खीणनिद्दानिद्दे खीणपयले खीणपयला-पयले खीणथीणगिद्धी खीणचक्खुदंसणावरणे खीणअचक्खुदंसणावरणे खीणओहिदंसणावरणे खीणके वलदसणावरणे अणावरणे निरावरणे खीणावरणे दरिसणा