________________
૬૨.
સૂત્રોના રહસ્યો
૭ ગુરુવંદતની વિધિ :
બે પગની પાની વચ્ચે લગભગ ચાર આંગળ જેટલું અને પાછળ બે એડી વચ્ચે તેથી પણ ઓછું અંતર રહે તે રીતે ઊભા રહેવું. બે હાથની આંગળીઓ પરસ્પર એકબીજાની વચ્ચે ગોઠવાઈ જાય તે રીતે હાથ જોડીને, તેની કોણી છાતીને અડે તે રીતે રાખીને “ઈચ્છામિ ખમાસમણો... નિસહિયાએ સુધી ખમાસમણ સૂત્ર બોલવું. પછી જોડલા બે હાથ, બે ઢીંચણ, અને મસ્તક જમીનને અડાડીને “મFએણ વંદાયિ” બોલવું. આ થઈ ખમાસમણ દેવાની વિધિ.
ઉપર જણાવેલી વિધિ પ્રમાણે પહેલા બે ખમાસમણ દેવા. પછી ઊભા ઊભા, બે હાથ જોડીને “ઈચ્છકાર સૂત્ર' પ્રશ્નો પૂછતા હોઈએ તે રીતે બોલવું. બપોરે ૧૨-૩૦ પહેલા સુહરાઈ અને ૧૨-૩૦ પછી હદેવસિ પાઠ બોલવો. છેલ્લે વિનંતી કરતા હોઈએ તે રીતે “ભાત-પાણીનો લાભ દેશોજી બોલવું.
પછી ઊભા ઊભા, બે હાથ જોડીને, મસ્તક નમાવીને “ઈચ્છા, સંદિ. ભગવદ્ ! અબુદ્ધિઓમિ. ખામેમિ દેવસિએ. સુધી પાઠ બોલીને, જમણો હાથ ગુરુભગવંત તરફ જમીન (ચરવાળા) ઉપર સ્થાપીને “જેકિંચી અપત્તિએ.. દુક્કડ' સુધીનો પાઠ બોલવો.
પછી ફરી એક ખમાસમણ દેવું.
જો ગુરુભગવંત પદવીધારી (ગણી-પંન્યાસ-ઉપાધ્યાય કે આચાર્યો હોય તો ઈચ્છકાર બોલ્યા પછી વધારાનું એક ખમાસમણ દેવું.
ગુરુવંદન કર્યા પછી, જો પચ્ચખાણ લેવાનું હોય તો એક ખમાસમણ દઈને “ઈચ્છકારી ભગવન્! પસાય કરી પચ્ચકખાણનો આદેશ દેશોજી.” બોલવું. પચ્ચકખાણ લીધા પછી ફરી ખમાસમણ દેવું. જો વ્યાખ્યાન કે વાચન સાંભળવાની હોય કે ગાથા લેવાની કે આપવાની હોય તો વંદન કર્યા પછી ખમાસમણ દેવા પૂર્વક નીચેના ત્રણ આદેશ માંગવા :
(૧) ઇચ્છા. સંદિ. ભગવદ્ ! વાસણા સંદિસાઉં ? ઇચ્છે. (૨) ઇચ્છા. સંદિ. ભગવન્! વાયણા લેશું ? ઇચ્છે. (૩) ઈચ્છકારી ભગવન પસાય કરી વાયણા પ્રસાદ કરશોજી.
રોજ ઉપાશ્રયમાં જઈને ગુરુવંદન કરવું જોઈએ. જો ગુરુમહારાજ ન હોય તો સ્થાપનાચાર્યજીને કે તેમના ફોટાને વંદન કરવું. ફોટો પણ ન હોય તો પુસ્તકમાં નવકાર-પંચિદિય સૂત્ર વડે ગુરમહારાજની સ્થાપના કરીને પણ અવશ્ય ગુરુવંદન કરવું જોઈએ.
રોજ દિવસે ત્રણવાર વંદન કરવું જોઈએ. સૂર્યાસ્ત પછી રાત્રિએ વંદન ન થઈ શકતું હોવાના કારણે રાત્રિના ત્રણે વંદન એકી સાથે કરવાની ભાવનાથી બે હાથ જોડીને-મસ્તક નમાવીને ‘ત્રિકાળ વંદના બોલવાનું હોય છે.
