Book Title: Pratikraman Sutra Chintanika
Author(s): Vachamyamashreeji, Rajyashsuri
Publisher: Zaverchand Pratapchand Suparshwanath Jain Sangh
View full book text
________________
Sા
છે.
| શ્રી લબ્ધિ પ્રતિક્રમણ સૂત્ર ચિંતતિકા ––––––––––––
નમ્રતા ગુણ ગુણનું પાવર હાઉસ છે. નમ્રતા ગુણમાં એક અનોખી શક્તિ છે. વ્યક્તિમાં રહેલ ગુણનો જ સંપર્ક કરાવે છે. દોષને દૂર કરાવે છે.
દરેક ધર્મ અને દરેક મંત્રની આમ્નાય - વિધિ અલગ-અલગ પ્રકારની હોય છે. પણ દરેક ધર્મ અને દરેક મંત્ર માટે પ્રાયઃ સાધકની યોગ્યતા સમાન કહી છે.
જૈન શાસન યોગ્યતા અને પ્રક્રિયા બંને બતાવે છે.. મહાનુભાવ! તું પ્રથમ નમસ્કાર કર... મહાનુભાવ! તું પ્રથમ નમ્રતા પ્રાપ્ત કર.
નમ્રતા વગર તારી સાધના સિદ્ધ નહી થાય. નમસ્કાર કર્યા વગર સાધક મહાત્માના સદ્ગણનો સંપર્ક નહીં કરી શકે.
સમસ્ત ગુણ સમુદાયની ચાવી નમ્રતા છે. નમ્રતા આપણા ગુણવૈભવને સમૃધ્ધ કરે છે; વિકાસ કરે છે અને પ્રગતિના પંથે લઈ જાય છે.
નમ્રતા દ્વારાજ મહાપુરુષોની કૃપા પ્રાપ્ત થાય છે. નમ્રતા દ્વારા જ મહાપુરુષના ગુણવૈભવમાંથી ગુણની સંપત્તિ પ્રાપ્ત થાય છે.
વ્યક્તિ જેને નમે તેના જેવો થાય. નમ્ર વ્યક્તિ આત્મસ્વભાવથી વ્યક્તિ માત્રનો ચાહક અનુમોદક અને આરાધક હોય છે.
હું અને મારામાં મુંઝાયેલ હોય તેના હૃદયમાં મારા તારાના સંકુચિત ભેદ હોય.
નમ્ર વ્યક્તિએ તો હું અને મારાના ઉઠમણા કર્યા છે. નમ્ર વ્યક્તિ સદા-સર્વદા સૌના ઉપાસક - આરાધક હોય છે. નમ્ર બનવાની સૌને ઝંખના થાય. પણ નમ્ર બનાય કેવી રીતે?
ભલા સાધક ! નમોનું ગણિત અલગ પ્રકારનું છે. નમો ગુણ ખમો વગર આવતું નથી.
