Book Title: Pratikraman Sutra Chintanika
Author(s): Vachamyamashreeji, Rajyashsuri
Publisher: Zaverchand Pratapchand Suparshwanath Jain Sangh
View full book text
________________
શ્રી લબ્ધિ પ્રતિક્રમણ સૂત્ર ચિંતતિકા વ્યાખ્યાન બહુ સરસ... બહુ સરસ... જ્ઞાની આત્મા જરા હસી લે, પણ ક્યારેક હું બૂમ પાડું આજે તો વ્યાખ્યાનમાં ગયા પણ કંઈ ન સમજાયું.. મારો એક કલાક ખોટો બગડ્યો. કલાકમાંથી ૫ મિનિટ પણ રસ ન આવ્યો. જ્ઞાની આત્મા તે દિવસે કાંઈ ન બોલે.. બીજે દિવસે મને કહે ચલો ધર્માત્મા! આજે આપણે પેલા મહાત્માનું વ્યાખ્યાન શ્રવણ કરવા જઈએ. મને મારું અભિમાન ઘવાતું લાગે. આ તે કેવા વિચિત્ર છે. હું કહું છું આ મહારાજ સાહેબનું વ્યાખ્યાન જરા ય સમજાય એવું નથી ત્યારે વ્યાખ્યાનમાં જવાની વાત કરે છે. કેવા વિચિત્ર... મને આ પધ્ધતિ સમજાતી નથી... મારા મોઢાંની રેખા બદલાઈ જાય છે. જ્ઞાની આત્મા મારા ખભે હાથ મૂકી કહે છે કેમ પુણ્યશાળી ! શું દ્વિધામાં છો? વિચારમાં ખોવાઈ ગયા છો. આમ તમારા મુખના રંગ કેમ બદલાઈ ગયા-તમારું સહજ હાસ્ય ક્યાં ખોવાઈ ગયું? .
મહાત્મા! હવે હું તમારી સાથે વાત ન કરું એમ મનમાં થાય છે. તમે પણ કેવી વિચિત્ર છો !!! હું કહું વ્યાખ્યાન સારૂં ત્યારે આવતા નથી અને હું કહું વ્યાખ્યાન સમજાયું નહિ ત્યારે આવો છો... તમારી વિચિત્રતા જોઇ હું તો વિચારમાં પડી ગયો... તમારી સાથે શું વાત કરવી? - પુણ્યશાળી !તારી પ્રવચન શ્રવણ કરવાની ભાવના... તમન્નાની અનુમોદના... પણ ભલા આરાધક ! એક મિનિટ વિચાર કર... તને સમજાય તે સારું એટલે તારા સ્ટાન્ડર્ડનું વ્યાખ્યાન, તારી બુધ્ધિમાં સમજાય તેવું વ્યાખ્યાન... પણ, પેલા ગુરુદેવ દ્રવ્યાનુયોગના વિદ્વાન હોય... અનેક શાસ્ત્રની વાત આવે છ દ્રવ્યના ગુણધર્મની, તેની અવસ્થા, તેના પરિવર્તન જગત અને કાયની વાત આવે નય-નિક્ષેપાની વાત આવે... જ્ઞશરીર અને ભવ્યશરીરની વાત આવે. નામ-સ્થાપના-દ્રવ્ય-ભાવના
