Book Title: Pratikraman Sutra Chintanika
Author(s): Vachamyamashreeji, Rajyashsuri
Publisher: Zaverchand Pratapchand Suparshwanath Jain Sangh
View full book text
________________
શ્રી લબ્ધિ પ્રતિક્રમણ સૂત્ર ચિંતતિકા
૧૧૯
અબાધિતં. હે ગુરુદેવ ! આપને પાંચ ઇન્દ્રિય છે. મને પણ પાંચ ઇન્દ્રિય છે. આપની પાસે પણ નોઇન્દ્રિય - મન છે. મારી પાસે પણ મન છે. પણ આપની પાંચે કર્મેન્દ્રિય જ્ઞાનેન્દ્રિય બની. આપનું મન આત્મ સાધનામાં ઉપકારક બન્યુ પણ મારી તો ઇન્દ્રિયની દોડાદોડ અને પાછી પેલા મન મર્કટનો સાથ.
એક સાંધુ ત્યાં તેર તૂટે. સ્પર્શેન્દ્રિય ને સમજાવું મહાપુરુષના ચરણ સ્પર્શ કરી તેમની સેવા સુશ્રુષા કરી ધન્ય પુણ્ય બન, ત્યાં રસનેન્દ્રિયની ધમાલ. સેવા કરતાં થાકી ગયો. ભૂખ લાગી ક્ષુધાને શાંત કરવા બેઠો. પેટ શાંત થાય તે પહેલાં તો રસનેન્દ્રિયે ગામને ગજાવ્યું. આવું અરસ નિરસ ખાવું ! આવું ઠંડુ ખાવાનું ? શું અમે ભિખારી છીએ કેટલા તોફાન ત્રાહિ મામ્ પોકારી ગયો.
આ રસનેન્દ્રિય તો ડબલ રોલમાં કામ કરે. નોન સ્ટોપ ખાવું, નોન સ્ટોપ બોલવું, પાછું મન કહે તારી છાપ ખાઉધરાની ન પડવી જોઇએ. તારી છાપ લઢવાડીયાની ન પડવી જોઇએ. એટલે આખા સમુદાયનો. આખી દુનિયાનો સી.આઇ ડી. બની જાઉં. મારી ડાયરીમાં બધાની જ એક જન્મતિથિ અમાસ, કોઇનીય-જન્મતિથિ પુનમની ના લખાય. દિવસ તો ખાવામાં અને લડવામાં પૂરો થાય. પણ રાત્રિએ દારૂણ વેદના અત્યંત ભયંકર લાખો કરોડો ભૂલોના ભણકારા. .. મારું મન થાકી જાય. હારી જાય. મારી પીડા હું સહી ન શકું. લાગે હમણાં જ માથાના બે ટૂકડા થઇ જશે. ગભરાઇ જાઉં. હમણાં જ હેમરેજ થઇ જશે. ભાગ્યું.... દોડું... ક્યાં જવું સમતાનિધિ - કરુણામૂર્તિ ગુરુ ચરણમાં... તેમનો દિવ્યહાંથ મારા મસ્તક ઉપર ફરે અને લાગે
