Book Title: Pratikraman Sutra Chintanika
Author(s): Vachamyamashreeji, Rajyashsuri
Publisher: Zaverchand Pratapchand Suparshwanath Jain Sangh
View full book text
________________
૧૮૮
શ્રી લબ્ધિ પ્રતિક્રમણ સૂત્ર ચિંતતિકા
મન પ્રસન્ન ક્યાંથી બને...
પ્રસન્નતા અંતરમાંથી પ્રગટ થતો આધ્યાત્મિક આનંદ છે.. સમક્તિના પાંચ લક્ષણમાં પ્રથમ લક્ષણ શમ. શમની સિદ્ધિ તે પ્રશમ. તેનાથી આગળનું એક પગથિયું તે પ્રસન્નતા. પ્રસન્નતા મનની વ્યવસ્થિતતા, સ્થિરતા,ધીરતા વગર પ્રગટ થતી નથી વિચારકતા જ આપણા સ્વભાવમાં સ્થિરતા લાવે છે. સ્થિરતાના સહારે ધીરતા આવે છે, અને ધીરતાના સહારે પ્રસન્નતાના સ્નેહભર્યા સ્વાગત થાય છે.
પ્રસન્નતા એટલે જગતની બાહ્ય કોઈ પણ ચીજની પ્રાપ્તિ કે અભાવની ઝંખના જ નહિ.
આત્મામાં આત્મ સ્વભાવે લીન બનવું. બહારનું કંઈ મેળવવું એજવિભાવદશા..... પૌદ્ગલિક દશા છે. આત્મામાં આત્મ સ્વભાવે લીન બનવું તે જ સ્વભાવ દશા..... નિજાનંદ અવસ્થા છે. પુદ્ગલ પ્રીતિ ઘટે નહિ અને આત્મ શક્તિ વિકસે નહિ ત્યાં સુધી પ્રસન્નતા પ્રગટે નહિ.
મહાત્માઓ બાહ્ય અનુભૂતિથી શૂન્ય બની ગયા હોય છે. અંતરના આનંદમાં મસ્ત બની ગયા હોય છે. તેથી જગત્ ની કોઈ પરિસ્થિતિ તેમને રડાવતી નથી. હસાવતી નથી.
અમારા પેલા સ્વભાવના યોગી આનંદઘનજી મહારાજે તો સિદ્ધાચલ શિખર ઉપર યુગાદિ દેવ આદીશ્વર પ્રભુ સમક્ષ અંત૨વીણાના તાર છોડ્યા અને આત્માની મસ્તીમાં મહાલતા પરમાત્મ ભક્તિમાં લલકાર્યું.
