Book Title: Pratikraman Sutra Chintanika
Author(s): Vachamyamashreeji, Rajyashsuri
Publisher: Zaverchand Pratapchand Suparshwanath Jain Sangh
View full book text
________________
શ્રી લબ્ધિ પ્રતિક્રમણ
સૂત્ર
ચિંતતિકા
૧૭૩
ઓ શાસનદેવ ! અમારી વિનંતી સાંભળો... ફરી એ સુવર્ણ યુગ આપો. પુસ્તકની જંજાળમાંથી છૂટીએ. કેવું કમભાગ્ય અમારે અજીવથી જ્ઞાન પ્રાપ્તિ કરવાની ? કેવો એ ધન્ય સમય ! ગુરુ દ્વારા ચૈતન્યના મહાહિમાલયમાંથી ચૈતન્ય સ્વરૂપ જ્ઞાનની પ્રાપ્તિ
ભદ્રબાહુ સ્વામી જેવા મહાન્ ગુરુવર પાંચસો પાંચસો શિષ્યને શાસ્ત્રજ્ઞાન, વાંચના પ્રદાન કરતા હશે? કાળની વિષમતા, દુષ્કાળનો સમય પાંચસો માંથી એક સ્ફુલિભદ્રજી ગુરુની જ્ઞાન ગંગાનું અક્ષયપાત્ર બન્યા. ભદ્રબાહુ સ્વામીના મુખ પર કેવી સંતોષની રેખા પથરાતી હશે ? પ્રભુ ! મારે તો જ્ઞાન મેળવવાનું પુસ્તકના સહારે પુસ્તક મળે અને આંખ ના સહકાર આપે તો ... આંખ મળે અને પુસ્તક ના મળે તો... સૂત્રનું જ્ઞાન મેળવવા એકની પાસે અર્થનું જ્ઞાન મેળવવા બીજા પાસે, સંસ્કૃત ભાષા શીખવા ત્રીજા પાસે, એક સાંધુ ત્યાં તેર તૂટે... શું ભણું ?શું ના ભણું ? આ વિચારમાં જ મારી જીંદગી ચાલી જાય. જ્યોતિષવિદ્યા મંત્રવિદ્યા, તંત્રવિદ્યા, કથા ચરિત્ર, આગમ, નિર્યુક્તિ, ભાષ્ય ચૂર્ણિ, ટીકા, વ્યાકરણ કાવ્ય, કોશ, લક્ષણ શાસ્ત્ર, પ્રાકૃત, સંસ્કૃત, બસ જીંદગી વહી જાય છે. વિચારમાંને વિચારમાં રહી જાય છે.
ના પ્રભુ ! વિચારમાં નહિ, મને વિચાર કરતાં ક્યાં આવડે છે. અવિચારમાં જીંદગી ખતમ થઈ રહી છે. ક્યારેક તો કોઈ સારા શ્રેષ્ઠ જ્ઞાનમંદિરનું સૂચિપત્ર જોઉં છું અને ચીસ પાડી ઉઠું છું. ગભરાઈ જાઉં છું. રડી પડું છું. ચિત્કાર કરૂં છું. ’શ્રુતમ્ અહં અખિલં સર્વ લોકૈક સારમ્' પ્રમાદમાં અને અણસમજમાં જ્ઞાનરૂપ ઝવેરી બજારના વેપારી બની અજ્ઞાન, અયોગ્ય જ્ઞાન, બિન જરૂરી માહિતી પેપર હેન્ડબીલ મારા તારાની વાતોના છીપલા જ એકઠાં કર્યા. સર્વ લોકૈક સારમ્, જ્ઞાન રત્નની ઉપેક્ષા કરી ફેંકી દીધું.
