Book Title: Pratikraman Sutra Chintanika
Author(s): Vachamyamashreeji, Rajyashsuri
Publisher: Zaverchand Pratapchand Suparshwanath Jain Sangh
View full book text
________________
શ્રી લબ્ધિ પ્રતિક્રમણ સૂત્ર ચિંતતિકા
૧૦૩
જીંદગીનો એક જ ભાગ-૧
આલોઉં? આલોચયામિ. હું આલોચના કરું છું. હું વિચાર કરું છું.... પ્રકાશ કરું છું.....
જેનો દિવસ સુંદર પસાર થયો તેની રાત્રિ પણ સુંદર પસાર થાય છે. જેના દિવસ રાત મંગલમય પસાર થયા તેનો પક્ષ ભવ્ય બને છે. પંદર દિવસ ભવ્ય બન્યા તેના ચાર મહિના પણ કલ્યાણમય બને અને ચાર મહિના કલ્યાણમય બને તેનું વર્ષ પણ આદર્શ બને. વર્ષનો સમૂહ તે જીંદગી. જેનું વર્ષ આદર્શમય અનુકરણીય બને તેનું જીવન પણ અનુમોદનીય બને છે.
જિનશાસનની કેવી અભૂત પ્રણાલી છે? મહાનુભાવ કહે છે હું મારા દિવસનો વિચાર કરું છું.
ભલા સાધક ! દિવસ બાર કલાકનો જ છે. રાત્રિ પણ બાર કલાકની જ છે. તારે વિચાર કરવાનો છે. તારે જાહેર કરવાનું છે. તારો દિવસ સફળ કે નિષ્ફળ. તારો દિવસ ધન્ય પુણ્ય આરાધનામય કે ક્લેશ કંકાશથી વિરાધનામય.. તું જ બોલે છે. - . હું વિચારું છું... હું પ્રકાશ કરૂં છું.
વિચાર આવે છે તીર્થકર ભગવંત મલ્લિનાથ પ્રભુએ સવારે દીક્ષા લીધી અને સાંજે કેવલજ્ઞાન.... દિવસ તો તેઓને માટે બાર કલાકનો હતો અને મારે માટે પણ બાર કલાકનો છે.
આત્મ પુરૂષાર્થથી બાર કલાકમાં બે કલ્યાણકની પ્રાપ્તિ. જીવનના મહાન બે અદ્ભુત શિખરનું આરોહણ.......
