Book Title: Pratikraman Sutra Chintanika
Author(s): Vachamyamashreeji, Rajyashsuri
Publisher: Zaverchand Pratapchand Suparshwanath Jain Sangh
View full book text
________________
નમો સવા સબ્ધ સિદ્ધાણ...
હું હંમેશા સર્વ સિદ્ધોને નમસ્કાર કરું છું....
ઉભયકાલ આવશ્યક ક્રિયામાં સિદ્ધાણં-બુદ્ધાણં સૂત્ર ચાર વાર બોલાય છે. સિદ્ધ સ્તવની પ્રથમ પંક્તિ ગેય છે. ધૂનને યોગ્ય છે. જાપને | યોગ્ય છે.
| જિનશાસનમાં અંતિમ આરાધ્ય પદ જો કોઈ હોય તો તે છે સિદ્ધપદ. સિદ્ધપદ ધ્યેય છે તેથી સાધક પ્રતિદિન સદા હંમેશા સર્વ સિદ્ધ ભગવંતને વંદન કરે છે.
... સાધક માત્રના સાધ્ય – આરાધ્ય દેવ સિદ્ધ છે. સિદ્ધ પ્રભુ ! | મારો અને આપનો સંબંધ જુગજુનો છે. વર્ષો -યુગો કાળ ચક્રો પુરાણો છે. એક સિદ્ધ ભગવંત મોક્ષે જાય ત્યારે એક અવ્યવહાર રાશિમાં રહેલ નિગોદનો જીવ વ્યવહાર રાશિમાં આવે.
સિદ્ધ પ્રભુ ! તમે મારા સૌથી પ્રથમ ઉપકારી....
આપ જ મારી પ્રગતિ પથના પ્રથમ પથ પ્રદર્શક.... આપના ઉપકારની સ્મૃતિ મારી આંખોને અશ્રુથી ભીની કરે દે છે. તે સિદ્ધ પ્રભુ ! હું કેટલો બુદ્ધ છું? મારા બધા ઉપકારી સહાયકને તો ક્યારેક યાદ કરી સ્મૃતિ કરું છું. કૃતજ્ઞભાવે તેમના ઉપકારને યાદ કરું છું. ક્યારેક કોઇનો આભાર માનું છું. પણ કૃતઘ્ની છું. મારા ઉપકારીના લીસ્ટમાં આપનું નામ ભૂલી જાઉં છું. પ્રથમ પંક્તિમાં આપની સ્તુતિ કરવી જોઇએ. પણ પ્રભુ મારી આત્મિક યોગ્યતા ઉચ્ચકોટિની નથી....નિમ્ન કોટીની છે.
