Book Title: Pratikraman Sutra Chintanika
Author(s): Vachamyamashreeji, Rajyashsuri
Publisher: Zaverchand Pratapchand Suparshwanath Jain Sangh
View full book text
________________
છિનઇ અસુહં કર્મ
અશુભ કર્મ છેદાય છે. અશુભ કર્મનો નાશ અશુભ કર્મ દૂર થવા... અશુભ કર્મનું ઉન્મૂલન થવું તેનાથી ઉત્તમ પ્રક્રિયા શું હોઈ શકે?
જિનશાસનની પ્રત્યેક ક્રિયા. પ્રત્યેક આરાધના... પ્રત્યેક ઉપાસનાથી જો કંઇ ઇચ્છનીય - પ્રાર્થનીય હોય તો બે જ વસ્તુ ....
મારા કર્મનો નાશ હો... મને શુધ્ધ દશાની પ્રાપ્તિ હો... જ્યાં સુધી કર્મ છે ત્યાં સુધી આત્માનું ઉર્ધ્વગમન થતું નથી... આત્માને ઉર્ધ્વગમન કરવું હોય તો કર્મનો સાથ-સંગાથ છોડવો જ જોઇએ. કર્મની દોસ્તી આત્માના વિકાસમાં અવરોધક છે.
શાસ્ત્રકાર ખૂબ સુંદર ફરમાવે છે... “છિન્નઇ અસુઈ કમ્મ ... સામાઇય જત્તિઆવારા'
જેટલી વાર સામાયિક થાય તેટલીવાર અશુભકર્મનો છેદ થાય છે...
પ્રભુ ! તપથી કર્મ ખપે... ધ્યાનથી કર્મ ખપે... પણ, સમતાથી કર્મ ખપે એ વાત તો કોઇ અદ્દભુત અને આશ્ચર્યજનક કહેવાય...
ભલા સાધક ! સામાયિક એટલે સમતાનો લાભ. સામાયિક થાય એટલે રાગ-દ્વેષ ને રુક જાવનો આદેશ મળે... આત્મામાં રાગ-દ્વેષને પ્રવેશ જ પ્રાપ્ત ન થાય...
રાગ-દ્વેષ નહિ તો કર્મબંધ ક્યાંથી?
