Prakrit Vigyana Pathmala

Author(s): Opera Jain Society Sangh Ahmedabad
Publisher: Opera Jain Society Sangh Ahmedabad

Page 483

धम्मोनत्थ य विसवविरागो, कसायचाओ गुणेसु अणुराओ । किरियासु अप्पमाओ, सो धम्मो सिवसुहोवाओ ॥४॥ जाएण जीवलोगे, दो चेव नरेण सिक्खियव्वाई। कम्मेण जेण जीवइ, जेण मओ सुग्गई जाति ॥५॥ धम्मेण कुलप्पसूई, धम्मेण य दिव्वरूवसंपत्ती। धम्मेण धणसमिद्धी, धम्मेण सवित्थरा कत्ती ॥६॥ मा सुअह जग्गिअन्वे, पलाइअव्वंमि कीस वीसमह । तिन्नि जणा अणुलग्गा, रोगो अ जरा य मच्चू अ ॥७॥ सग्गो ताण घरंगणे, सहयरा सव्वा सुहा संपया । सोहग्गाइणावली, विरयए सव्वंगमालिंगणं ॥ संसारो न दुरुत्तरो, सिवसुहं पत्तं करंभोरहे । जे सम्मं जिणधम्मकम्म-करणे वट्टति उद्धारया ॥८॥
दाणं
नो तेसिं कुवियं व दुक्खमखिलं, आलोयए सम्मुहं, नो मिल्लेइ घरं कमंकवडिया, दासि व्व तेसिं सिरी । सोहग्गाइगुणा चयंति न गुणा-5ऽबद्ध व्व तेसिं तणुं जे दाणंमि समीहियत्थजणणे, कुवंति जत्त जणा ॥९॥ ववसायफलं विहवो, विहवस्स फलं सुपत्तविणिओगो । तयेभावे ववसाओ, विहवो वि अ दुग्गइनिमित्तं ॥१०॥