Book Title: Prachin Tatha Navya Karmgranth Chatushka
Author(s): Vijayhemprabhsuri, Pareshbhai J Shah
Publisher: Vijaynitisuri Jain Tattvagyan pathshala
View full book text
________________
વિપરીતતા જુવે છે. જેમ પાણી સાબુ આદિની સોબતથી કપડાનો મેલ દૂર થાય છે, અને લોકો તે કપડાંને ઉજ્વળરૂપે જુવે છે, તેમ સમ્યગુજ્ઞાનાદિના યોગે બહારથી આવી મળેલા કર્મમળાદિ દૂર થાય છે, ત્યારે આત્મા નિર્મળ થાય છે. અને વિશ્વના જીવો તેને તેના સત્ય સ્વરૂપમાં જાણી શકે છે.
સત્યસ્વરૂપ પામવા માટે કર્મ વિષયના અગાધજ્ઞાનનું પાન કરી કર્મથી છૂટવાનો પ્રયત્ન કરવો જોઇએ. શ્વેતામ્બરાચાર્ય શ્રી ગર્ગમહર્ષિ આદિ કૃત પ્રાચીન કર્મગ્રન્થો ૧ થી ૫ સંસ્કૃત પ્રાકૃત ટીકા સહ અનેકવાર પ્રકાશિત થયેલ છે. પરંતુ બાલ જીવોને સંસ્કૃતનો અભ્યાસ ન હોવાના કારણે પ્રાચીન કર્મગ્રન્થ નામક વિષય છે એ પણ પ્રાય: બહુજ અલ્પ પ્રસિદ્ધિને પામેલ છે. સંસ્કૃત સટીક ગ્રન્થનું અધ્યયન કરતાં બહુ જ સુંદર-સરળઆનંદકારી વિષય લાગ્યો અને દેવ-ગુરુ-ધર્મની કૃપાથી અનુવાદ લખવાના પ્રયાસ કરતા સફળપણાને પામ્યો, જિનશાસનમાં પ્રસિદ્ધિ અને પ્રચલિતપણાને પામે! તથા કર્મ-વિપાક જિજ્ઞાસુઓને બહુજ ઉપયોગી થાય તે હેતુથી નવ્ય કર્મગ્રન્થોની ગાથા તથા અર્થ પણ સાથે પ્રકાશિત કરવાનું વિચારેલ છે. જિજ્ઞાસુ વર્ગને પુનરાવર્તન આદિ ચિંતનમાં સહાયક બને તે હેતુથી પૂજ્યશ્રીને વાત કરતાની સાથે જ તે અંગેની સંપૂર્ણ આર્થિક જવાબદારી મારા ઉપરથી દૂર કરી શ્રી વિજયનીતિસૂરીશ્વર જૈન તત્ત્વજ્ઞાન પાઠશાળા તરફથી પ્રકાશિત કરવાની ઉદારતા સહ અનુમતિ મળી. તેથી ઉપકાર અવિસ્મરણીય બન્યો અને પુસ્તક પ્રકાશનનું કાર્ય આગળ વધી પૂર્ણતાને પામેલ છે. મને પણ આ સુકૃતનો સદ્ભાગી બનવાનો લાભ મળેલ છે.
અવિનય, અજ્ઞાનતા દ્વારા જિનાજ્ઞા વિરુદ્ધ કાંઈ પણ લખાયું હોય, અનુવાદ થયો હોય, તો ત્રિવિધ-ત્રિવિધ મિચ્છા મિ દુક્કડમ્ માંગું છું. તે સર્વે ઉદારશીલ ધીમાન્ પુરુષો મારા અપરાધને ક્ષમ્ય ગણવા વિનંતિ તથા કંઈ પણ અશુદ્ધિ જણાય તો જાણ કરવા વિનંતિ. જીર,નિર્મિત એપાર્ટમેન્ટ, શાંતિવનરોડ,
લી. આપનો જ પાલડી, અમદાવાદ-૭. ફોનઃ કo૫૮૮૯
પરેશકુમાર જશવંતલાલ શાહ સં.૨૦૫૯ અષાઢ વદ-૧૧
(શિહોરીવાળા)
