Panchvastuka Granth

Author(s): Haribhadrasuri,
Publisher: Devchand Lalbhai Pustakoddhar Fund

Page 617

Jain Education
केई भांति एसो गुरुसंजमजोगओ पहाणोत्ति । थेरविहाराओऽवि हु अचंतं अप्पमायाओ ।। १५५५ ।। अपणे परत्थविरहा नेवं एसो अ इह पहाणोति । एअस्सवि तदभावे पडिवत्तिणिसेहओ चेव ।। १५५६ ॥ अन्भुजयमेगयरं पडिवज्जिकामों सोवि पवावे । गणिगुणसलद्धिओ खलु एमेव अलद्विजुत्तोऽवि ॥ १५५७ ॥ एव पहाणो एसो एगंतेणेव आगमा सिद्धो । जुत्तीएऽवि अ नेओ सपरुवगारो महं जम्हा ।। १५५८ ॥ ण य एतो उवगारो अण्णो णिवाणसाहणं परमं । जं चरणं साहिजइ कस्सइ सुहभावजोएण ।। १५५९ ।। अञ्चतिअसुहहेऊ एअं अण्णेसि णिअमओ चेव । परिणमइ अप्पणोऽवि हु कीरंतं हंदि एमेव ॥ १५६० ।। गुरुसंजमजोगोऽवि हु विष्णेओ सपरसंजमो जत्थ । सम्मं पवद्रुमाणो थेरविहारे अ सो होइ ॥ १५६१ ॥ अचंतमप्पमाओऽवि भावओ एस होइ णायचो । जं सुहभावेण सया सम्मं अण्णेसि तक्करणं ।। १५६२ ।। जइ एवं कीस मुणी थेरविहारं विहाय गीआवि ? । पडिवजंति इमं नणु कालोचिअमणसणसमाणं ।। १५६३ ॥ तक्काले उचिअस्सा आणा आराहणा पहाणेसा । इहरा उ आयहाणी निष्फलसत्तिक्खया णेआ ।। १५६४ ।। अह्वाऽऽणाभंगाओ एसो अहिगगुणसाहणसहस्स । हीणकरणेण आणा सत्तीऍ समावि जइअवं ॥ १५६५ ।। एतो अ इमं एवं जं दसपुवीण सुधई सुत्ते । एअस्स पडिस्सेहो तयण्णहा अहिगगुणभावा ।। १५६६ ।। एवं तत्तं नाउं विसेसओ एव सत्तिरहिएहिं । सपरुवगारे जन्तो कायचो अप्पमत्तेहिं ॥ १५६७ ॥ सोय ण रविहारं मोतुं अन्नत्थ होइ सुद्धो उ । एतो चिअ पडिसिद्धो अजायसम्मत्तप्पो अ ॥ १५६८ ।।
ional
Ginelibrary.org