Paia Vinnan Kaha Trayam Part 02

Author(s): Kastursuri, Chandrodayvijay,
Publisher: Vijay Nemi Vigyan Kastursuri Gyanmandir

Page 219

पाइअविम्नाणकहाण
| लच्छीसर:
स्सईदेवीणं कहा-२०८
॥१९॥
अम्हेहिं तीहि विन्नत्ती कया, अणेण उ सवणमेत्तेणेव वल्लीपमुहगंथणाइबहुयजत्तं किच्चा अम्हे निक्कासिआ । तया अम्हेहिं एयं पणमित्ता सिक्खा दिण्णा-'अजोग्गभावेण चउत्थस्स उवयारो न कायबो' त्ति कहिऊणं अम्हे नियनियट्टाणं गया। पच्छा तेण दुटुसुवण्णयारेण पियवयणेहिं विण्णत्तो विप्पो । तया उवयारसीलेण अम्ह वयणं वीसरिऊणं सो वि निक्कासिओ गिहं पत्तो । विप्पो उ तित्थजत्तं काऊणं पडिनिवट्टमाणो वग्घेण दिट्ठो । तेण उवयारं सरंतेणं इमाइं आइसणाई दिण्णाणि । विप्पो पुणो इह आगओ। सुवण्णयारेण सधणं तं नच्चा कवडवित्तीए घरंमि नेऊणं आहूसणाई घेत्तूण तुव पुरओ वुत्तं । तुमए वियारमूढेण किमवि अवियारित्ता विडंबणपुब्बयं माहणस्स एरिसी अवस्था पाविया । वानरेण सिग्घं आगच्च मम पुरओ साहियं । अओ अम्हाणं उवयारिणो दुक्खदायगं तुमं कहं मुंचामि ? । 'इट्ठस्स पालणं दुगुस्स दंडो' त्ति नीई सरित्ता मए दद्रो। तओ रण्णा सव्वजणपुरओ नियप्पा निदिओ। माह्णवरं नागं च खमाविऊणं कहियं—'जो तुव आएसो होज्जा तं अहं विहेमि' । तया नागेण वुत्तं-'जइ तुं लक्खपसायपुव्वं दससंखए गामे विपस्स दिज्जसु, तइया अहं मुंचामि' । रण्णा तहेव काऊणं माहणो पूइओ । कुमारो निब्बिसो जाओ। सुवण्णयारं कयग्धं दणं वहाइ आइट्रो । बंभणेण किवाए मोयाविओ।
तम्हा इमो सुवण्णयारो नियमाऊए वि सुवण्णस्स चोरगो अम्हेहिं सहेज्जकरण, इह आणिओ, सिला य दंसिया तं भव्वं न कयं । पुब्बमेव किंपि मिसं किच्चा घणच्छेयणिगाइअहिगरणमग्गणं कुणता तया सेयं हुंतं । अहुणा उ सप्पगंधमूसिगानाएण विसमं आवडियं । किंच एसा हि सिला एगेणं दिणेणं भंजिउं न सक्किज्जइ, बहुदिवससाहणीयं कज्जं
१. ज्ञात्वा ।
॥१९
Jain
ducation internation
For Persona Private Use Only