Padarth Prakash 10 Karmprakruti Bandhankaran

Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust

Page 9

એક-બે વાર નહીં પણ અનેકવાર વાંચન અને ચિંતન કર્યા પછી પૂજયપાદશ્રીને કંઈક રહસ્યો હાથમાં આવ્યા. પૂજ્યપાદશ્રીએ અનેક મુનિઓને આ ગહન શાસ્ત્રનો અભ્યાસ શરૂ કરાવ્યો. એટલું જ નહીં પણ અનેક ગૃહસ્થો અને પંડિતોને પણ એનો અભ્યાસ કરાવ્યો. પંડિતો દ્વારા અનેક સાધુ-સાધ્વી ભગવંતોને પણ આનો બોધ થયો. પરિણામે આ ગ્રંથનો અભ્યાસ આપણા સંઘમાં મુખ્યત્વે સાધુ-સાધ્વી ભગવંતોમાં વિશાળ પ્રમાણમાં ચાલી રહ્યો છે. કર્મપ્રકૃતિ ગ્રંથના અભ્યાસની આ પરંપરાને ચાલુ કરનાર પૂજયશ્રીના ચરણોમાં ખૂબ સાદર સબહુમાન વંદના કરીએ. પૂજયશ્રીએ આ ગ્રંથ પરિવારમાં પોતાના શિષ્યો-પ્રશિષ્યોને ભણાવ્યો. પણ પૂજયશ્રી આટલાથી ન અટક્યા. દિગંબર પંથમાં રહેલા કાર્મગ્રંથિક સાહિત્યનો પણ પૂજયશ્રીએ શિષ્યો પાસે અભ્યાસ કરાવ્યો. એ બધાના આધારે વિશાળ કર્મસાહિત્યની રચના પૂજયશ્રીએ સ્વશિષ્યો પાસે કરાવી. વળી પોતે તથા બીજા અનેક ગીતાર્થો પાસે શુદ્ધિકરણ કરી-કરાવી એને પ્રકાશિત કરાવ્યું. આજે ખવગસેઢિ, ઉપશમનાકરણ અને બંધવિહાણ પરના આવા વિશાળકાય ગ્રંથો હાજર છે. વળી પૂજ્યશ્રીએ કર્મપ્રકૃતિ, પંચસંગ્રહ વગેરે પ્રાચીન ગ્રંથોનું સંપાદન કર્યું અને શુદ્ધિકરણ પૂર્વક અનેક યંત્રો સાથે પ્રકાશિત કર્યું. વળી સંક્રમકરણ ભાગ-૧, સંક્રમકરણ ભાગ-૨, માર્ગણાદ્વારવિવરણ, કર્મસિદ્ધિ વિગેરે અનેક ગ્રંથોની પણ પૂજયશ્રીએ રચના કરી. પૂજયપાદ ગુરુદેવશ્રી ભાનુવિજયજી મ.સા. (આ. ભુવનભાનુસૂરિજી મ.)ને પૂજયશ્રીએ સંવત ૨૦૦૫માં મુંબઈ મોકલ્યા. ત્યાં તેઓએ વૈરાગ્યવાણીનો વરસાદ વરસાવ્યો. અનેક