Kuvalaymala Part 02

Author(s): Chandraguptasuri
Publisher: Anekant Prakashan Jain Religious Trust

Page 12

(१७९) 1 जह रयणं मयण-सुगूहियं पि अंतो-फुरंत-कंतिल्लं ।
इय कम्म-रासि-गूढो जीवो वि हु जाणए किंचि ।। 3 जह दीवो वर-भवणं तुगं पिहु-दीहरं पि दीवेइ ।
मल्लय-संपुड-छूडो तत्तिय-मेत्तं पयासेइ ।। 5 तह जीवो लक्ख-समूसियं पि देहं जणेइ सज्जीवं ।
पुण कुंथु-देह-छूढो तत्तिय-मेत्तेण संतुट्ठो ।। 7 जह गयणयले पवणो वच्चंतो णेय दीसइ जणेण ।
तह जीवो वि भमंतो णयणेहि ण घेप्पइ भवम्मि ।। 9 जह किर घरम्मि दारेण पविसमाणो णिरुंभई वाऊ ।
इय जीव-घरे रुंभसु इंदिय-दाराइं पावस्स ।। 11 जह डज्झइ तण-कट्ठ जाला-मालाउलेण जलणेण ।
तह जीवस्स वि डज्झइ कम्म-रयं झाण-जोएण ।। 13 बीयंकुराण व जहा कारण-कज्जाइँ णेय णज्जति ।
इय जीव-कम्मयाण वि सह-भावो णंत-कालम्मि ।। 15 जह धाऊ-पत्थरम्मि सम-उप्पण्णम्मि जलण-जोएहिं ।
डहिऊण पत्थर-मलं कीरइ अह णिम्मलं कणयं ।। 17 तह जीव-कम्मयाणं अणाइ-कालम्मि झाण-जोएण ।
णिज्जरिय-कम्म-किट्टो जीवो अह कीरए विमलो ।। 19 अह विमलो चंदमणी झरइ जलं चंद-किरण-जोएण ।
तह जीवो कम्म-मलं मुंचइ लभ्रूण सम्मत्तं ।। 21 जह सूरमणी जलणं मुचइ सूरेण ताविओ संतो ।
तह जीवो वि हु णाणं पावइ तव-सोसियप्पाणो ।।
1)P रयणमयणसुगूहियंमि. 2) P रासिमूढो, P वि न याणएइ, P om. किंचि ।। जह दीवो etc. to पि देहं जणेइ. 3) J जीवो for दीवो. 9) P दारे पविस्समाणो, P वाओ. 12) P ज्झाणजोगेण. 13) P बीयंकुराव जाव हा कारण. 15) J धाउ P धाओ, J पत्थरमी, J उप्पण्णं पि. 17) P अणावि काले वि ज्झाणजोगेहिं. 18) P जीवो अह कीरइ अह निम्मलं कणयं, P reapeats तह जीवकम्मयाणं etc. to अह कीरए विमलो. 19) J जह for अह, J सरइ for झरइ, P किरणसंगेण. 22) P नाणं पवइ तह सोसि०.