Kaviraj Deepvijay

Author(s): Kavin Shah
Publisher: Shantinath Bhagwan Jain Derasar Pedhi

Page 13

મુખ્ય વિચારોને સ્થાન આપ્યું છે. આ રીતે એમની ત્રણ ગદ્ય રચનાઓ ગદ્ય શૈલીના ઉદાહરણ રૂપ છે. ટૂંકાં વાક્યો, મહત્વની વિગતો, મારવાડી હિન્દી ભાષાના મિશ્રણવાળી ગુજરાતી ભાષાનો પ્રયોગ કર્યો છે. જૈન તત્વજ્ઞાનનું વિશ્લેષણ કરવાની એમની પદ્ધતિ નોંધપાત્ર છે. દીપવિજય કવિરાજની કૃતિઓનો મિતાક્ષરી પરિચય એમની કવિત્વશક્તિ, શ્રુતજ્ઞાન પ્રત્યેની ભક્તિ, ભારતીય સંસ્કૃતિના સાત્વિક વારસાના સંવર્ધનની શુભ ભાવના ને તેનાં દ્વારા માનવ કલ્યાણનો શાશ્વત હેતુ સિદ્ધ કરવાનો સાહિત્યનો મુદ્રાલેખ ચરિતાર્થ થયેલો જોવા મળે છે. વિશેષ માહિતી તો કૃતિઓનો આસ્વાદ કરવાથી પ્રાપ્ત થઈ શકે. આ પ્રાથમિક પરિચય દીપવિજયના સાહિત્ય જગતમાં પ્રવેશદ્વાર સમાન છે. કવિની ગદ્યપદ્ય રચનાઓની ભૂમિકા જોતાં એમના વિપુલ સાહિત્ય સૃષ્ટિમાં પ્રવેશ કરીને જ્ઞાનામૃત રસાસ્વાદ દ્વારા આત્મ રમણતા મેળવવા માટે પ્રેરક નીવડે તેમ છે. હાલરડાથી આગળ વધીને એમની વિવિધ કૃતિઓથી કવિ પ્રતિભાનો પરિચય જૈન સમાજને ગૌરવ અપાવે તેમ છે. પાલીતાણામાં ચાતુર્માસ દરમ્યાન દીપવિજયની હસ્તપ્રત વાંચવામાં નિયમિત બે કલાકનો સમય આપીને મને પ્રોત્સાહિત કરનાર યતિશ્રી દેવચંદ્રજી (ભક્તિ વિહાર - પાલીતાણા)નો ઋણી છું