Kappasuttam Vhas Vises Chunni Sahiyam Part 02

Author(s): Bhadrabahuswami, Sanghdasgani Kshamashraman,
Publisher: Shubhabhilasha Trust

Page 367

७७६
विसेसचुण्णि
[ कालक्खेत्ततिकंतपगयं एमेव सेसएसु वि, एगतर विराहणा उभयतो वि ।
असमाधि विणयहाणी, तप्पच्चय निज्जराए य ॥५२६७॥
"एमेव०" गाहा । 'एमेव' त्ति दीग्घजाति य साण-गोणादीणं दाराणं विभासा वत्तव्वा । 'एगतर' त्ति धरेमाणस्स समुदाणं दीहजाइओ साणो गोणो वा आगता, तस्स भएणं विहडप्फडो भाणेहिं सद्दवेहिं गहितेहिं खज्जेज्ज, ते वा हणिज्ज, भाणं वा भिंदेज्ज । 'असमाहि' त्ति अगणिणा उट्ठिएणं विहडप्फडो डझेज्जा असमाहिमरणं । अहवा 'असमाहि' त्ति धरतो दुक्खं अच्छति परिताविज्जति । 'विणए' त्ति पाहुणगो एज्ज, तस्स विहडप्फडत्तणेणं अणुट्ठिहंतस्स विणयभंगो, गहिएहिं य तेहिं गिलाणस्स उव्वत्तणादीणि न सक्केइ काउं, तत्थ परितावणा गिलाणस्स, सज्झायं न सक्केइ पट्ठवेडं, सज्झायहाणी, पयलायमाणस्स पलोट्टेज्जा, तत्थ उप्पिलावणपाण-जाइयाणं ।
पच्छित्तपरूवणया, एतेसिं ठवेंतए य जे दोसा । गहितकरणे य दोसा, दोसा य परिढवेंतस्स ॥५२६८॥
"पच्छित्तपरूवणया०" गाहा । दीग्घजाइयादीहिं खइयस्स :: ४ (चतुर्गुरु) । परितावणा अणगाढादि । एवं गिलाणस्स वि परितावणादी उवकरणदाहे उवहिनिप्फण्णं, पाहुणए अनुट्ठियंतस्स :: ४ (चतुर्लघु), सज्झाय अपट्ठवणे ०। (मासगुरु), भाणभेदे एक ४ (चतुर्लघु) । निक्खिवमाणे भाणाण मासलहुं, णिक्खित्तंति काउं परिट्ठवेज्ज तत्थ पारिट्ठावणिया दोसा ।
तम्हा उ जहिं गहितं, तहि भुंजणे वज्जिया भवे दोसा।
एवं सोधि ण विज्जति, गहणे वि य पावती बितियं ॥५२६९॥
"तम्हा उ०" गाहा । जाए पोरुसीए गहितं ताए च्चेव भोत्तव्वं । चोयगो भणइ-एवं सोही नत्थि, कहं ? जाव भिक्खं हिंडति ताव बितियाओ गाहति ।।
एवं ता जिणकप्पे, गच्छम्मि चउत्थियाएँ जे दोसा । इतरासि किण्ण होती, दव्वे सेसम्मि जतणाए ॥५२७०॥
"एवं ता०" गाहा । आयरिओ भणति-जं एयं मए भणितं एयं पि जिणकप्पियाणं । गच्छवासीण पुण पढमए गहितं जइ चउत्थि उवाहणावेति तो एते दोसा भवंति । चोयगो भणइमज्झिमियाहिं पोरुसीहिं धरेतस्स किं एए दोसा ण होंति ? आयरियो भणइ-होंति दोसा । तं पुण कारणे पुत्ते जयणाए कीरइ । तए ण होंति दोसा । तं पुण होज्जा ? -
१. मासलघु अ । २. पत्ते ड । भुत्ते इति भाव्यम् ? मलवृ ।