Kappasuttam Vhas Vises Chunni Sahiyam Part 02

Author(s): Bhadrabahuswami, Sanghdasgani Kshamashraman,
Publisher: Shubhabhilasha Trust

Page 395

८०४
विसेसचुण्णि
[गणंतरोवसंपयपगयं "संवच्छराणि०" गाहा । तिण्णि संवच्छराणि कालगयायरियस्स, किं कारणं जेण सो तेणेव णिप्फादिओ? एवं सीसस्स वाइज्जंतस्स पडिच्छयस्स पुण तद्दिवसं चेव प्रवाचयन्तो गेण्हइ । एवं ताव एक्ककुलिच्चओ। जो एक्कगणिच्चओ प्रवाचयन्तो सो संवच्छरं न हरति, संघेच्चओ छम्मासा ण हरइ ।
तत्थेव य निम्माए, अणिग्गए निग्गए इमा मेरा । सकुले तिन्नि तियाई, गणे दुगं वच्छरं संघे ॥५४१८॥
"तत्थेव य०" गाहा । एवं ताव जो सो कारणे सीसत्ताए बद्धो तम्मि अणिग्गए गच्छातो। अह सो निग्गओ होज्ज गच्छाओ ताहे इमा मेरा-आयरिए कालगए तत्थ य जति नत्थि णिम्माओ कोइ ताहे कुलसमवायं काउं कुले उवटुंति । अहवा कुलथेरस्स उवटुंति, एत्थ गाहाद्वयम् (?) "सकुले तिण्णि तियाइं०" पच्छद्धं । तिण्णि तिया णव संवच्छराणि तं कुलं पाढेंति, ण य सच्चित्तं हरइ । जति ण निम्माया ताहे गणं जाइ । गणो वि दोण्णि संवच्छराणि पाढेंतो ण हरति । तह वि ण निम्माओ संघे उवट्ठायंति । संघो वि संवच्छरं पाढेति ण य हरइ । एएण व दोण्णि एगो य मेलिया बारसाइ एत्तिएण कालेणं जइ निम्माया ता सुंदरं । अह ण निम्माया ताहे पुणो कुलं उवट्ठाइ। पुणो वि कुलं पाढेइ । तावतियं चेव कालं जइ णिम्माओ गणं उवढेति । गणो वि ताव ततियं चेव कालं अणिम्माता संघ उवटुंति सव्वत्थ वि न हरेंति सच्चित्तं । एते वि बारस बारस ता चउव्वीसं । जइ एत्तिएण कालेणं न निम्माया पुणो कुलं गणं संघं सव्वत्थ वि ण हरंति सच्चित्तं । एते तिण्णि बारसगा छत्तीसा । एत्तिएण कालेण जइ णिम्मातो सुंदरं । अह
ओमादिकारणेहि व, दुम्मेहत्तेण वा न निम्माओ। काऊण कुलसमायं, कुलछेरं वा उवटुंति ॥५४१९॥
"ओमादि०" गाहा । एतेहिं कारणेहिं न निम्माया, ताहे कुलसमवायं काउं कुलथेराणं उवटुंति सव्वे । ताहे तेहिं उवसंपज्जिएव्वं । अत्र पुनः अत उच्यते ।
पव्वज्जएगपक्खिय, उवसंपय पंचहा सए ठाणे ।
छत्तीसाऽतिक्कंते, उवसंपय पत्तुवादाए ॥५४२०॥
"पव्वज्ज०" गाहा । एगपक्खियस्स उवसंपज्जियव्वं सो एगपक्खिओ दुविधोपव्वज्जाए सुयेण य । सुयेगपक्खिओ एगवायणिओ । पव्वज्जाएगपक्खियस्सेयं व्याख्या
१. कुत्र पुनः इति चेद् ? उच्यते मुच ।