Kappasuttam Vhas Vises Chunni Sahiyam Part 02

Author(s): Bhadrabahuswami, Sanghdasgani Kshamashraman,
Publisher: Shubhabhilasha Trust

Page 404

भासगाहा-५४५८-५४६८] चउत्थो उद्देसो
८१३ "गीतत्थे०" गाहा । गीयत्थस्स जइ अहाकडतो पडिग्गहो अत्थि, वत्थव्वाण य अहाकडो नत्थि तो वत्थव्वविच्चएहिं अप्पपरिकम्मेहिं समं ण मेलिज्जति, उत्तमसंभोइओ कीरइ। अहवा सो गीतो गारविओ ता वत्थविच्चएहि अप्पपरिकम्मेहिं समं मेलिज्जइ । किं कारणं? जति उत्तमसंभोइओ कीरइ तो अहिगरणं होज्जा । कहं ? अयाणंतेण केणइ अप्पपरिकम्मेण समं मेलियं पासित्ता असंखडं करेज्जा, अपच्चयो सेहाणं-नूणं एए सीदति ।
एवं खलु संविग्गे, संविग्गे संकमं करेमाणे।
संविग्गमसंविग्गे, असंविग्गे यावि संविग्गे ॥५४६३॥
"एवं खलु०" गाहा । अनेन प्रकारेण यो विधिरुक्तः स आद्यभंगे । द्वितीयभंगे प्रतिषिद्धः संक्रमः । अत्र संक्रमणस्य सदृशम्
सीहगुहं वग्घगुहं, उदहिं व पलित्तगं व जो पविसे । असिवं ओमोयरियं, धुवं से अप्पा परिच्चत्तो ॥५४६४॥ चरणकरणप्पहीणे, पासत्थे जो उ पविसए समणो । जतमाणए पजहिउं, सो ठाणे परिच्चयति तिण्णि ॥५४६५॥
“सीहगुहं०" ["चरणकरण०"] गाहाद्वयं कण्ठ्यम् । एयं पासत्थेसु भणितं । इमं सेसेसु -
एमेव अहाछंदे, कुसीलओसन्ननीयसंसत्ते । जं तिन्नि परिच्चयई, नाणं तह दंसण चरित्तं ॥५४६६॥ "एमेव०" गाहा । कण्ठ्या । इदाणि तृतीयभंग:पंचण्हं एगयरे, संविग्गे संकमं करेमाणे।
आलोइए विवेगो, दोसु असंविग्गें सच्छंदो ॥५४६७॥ "पंचण्हं०" गाहा । पासत्थादी पंच । एएसिं जो संविग्गेसु संकमइ । पंचेगतरे गीए, आरुभियवते जयंतए तम्मि ।
जं उवहिं उप्पाए, संभोइत सेसमुज्झंति ॥५४६८॥
"पंचेगतरे०" गाहा । गीतत्थो सो अप्पणो एव वयाणि उच्चारित्ता एइ जयणाए, अपडिबझंतो जं पंथे उप्पाएति सो संभोइओ जो पुव्विल्लो उवही तं छड्डेति तस्स इदाणि